Har bir kun – bu kelajak uchun poydevor

-Biz dunyodagi eng baxtiyor insonlarmiz. Tinch va osuda osmonimiz, mehmondoʻst va saxiy elimiz, saxovatli zaminimiz, toza havo, suvimiz bor. Har tongni elning baxt-u saodatini oʻylab qarshilaydigan davlatimiz rahbari bor, — deydi “Adolat” SDP Furqat tuman Kengashi raisi Nodirjon Olimov partiya faollari bilan muloqotda. — Oʻzbekiston mustaqilligining 32 yilligi mamlakatimiz Prezidenti qaroriga koʻra, “Yangi hayot uchun, Yangi Oʻzbekiston uchun!” shiori ostida oʻtkaziladi. Shunday ekan, biz har tongimizni, har bir kunimizni mehnatkash xalqimiz bilan samimiy muloqotlar orqali oʻtkazishimiz zarur. Toki, har bir vatandoshimiz mamlakatimizning iqtisodiy-ijtimoiy, madaniy-maʼrifiy va barcha sohalarda erishgan mislsiz yutuqlarimizni gʻurur va shukronalik bilan shuuriga, qalbiga muhrlasin. “Har bir kun – bu imkoniyat, har bir kun – bu kelajak uchun poydevor” degan shiorni hayotimizdagi aks sadosini oʻz hayotida koʻrish uchun qoʻlni –qoʻlga berib, buyuk maqsadlar yoʻlida kurashga chogʻlansin.

Partiya follarining “Yangi hayot uchun, Yangi Oʻzbekiston uchun!” shiori ostida oʻtkazilayotgan targʻibot tadbirlari davom etadi.

“Adolat” SDP

Farg’ona viloyat kengashi Matbuot xizmati.