Har bir narsaning – yaxshi tomonini tanlash muhim

Bugun koʻcha –koʻyda, transport vositalarida, qayerda boʻlmasin kattayu-kichikning qoʻlida telefon, albatta internet tarmogʻidan foydalanayotganligini kuzatish mumkin. Chunki, internet bugungi kunda har bir inson hayotining ajralmas qismiga aylanib ulgurdi.

Bugungi mafkuraviy tahdidlar kuchaygan bir davrda yoshlarni internet tarmoqlaridan toʻgʻri va ijobiy maʼnoda foydalanishga oʻrgatishimiz muhim ahamiyat kasb etadi. Chunki, undan oʻz manfaati yoʻlida foydalanadigan virtual huquqbuzarlar, jinoyatchilar, mafkuraviy tahdidchilar ham talaygina.

Adolat SDP Dangʻara tuman Kengashi tomonidan tumandagi 1 –sonli kasb- hunar maktabida tashkillangan tadbir ham “Internet tarmogʻidan foydalanish madaniyati” mavzusida boʻlib oʻtdi. Unda tuman Kengashi raisi Mohira Mamatqulova bugungi kunda internet tarmogʻidan samarali foydalanish natijasida dunyo miqyosida sanoat, tibbiyot, fan va taʼlim yoʻnalishlarida yuqori natijalarni qayd etilayotganligini eʼtirof etar ekan, ayrim nopok shaxslarning gʻaliz niyatlari yoʻlida ayrim yoshlar qabohat qurboniga aylanib qolayotganligini ham taʼkidlab oʻtdi.

Tanganing ikki tomoni boʻlganidek, har bir narsaning yaxshi va yomon tomonlari boʻladi. Biroq, Yangi Oʻzbekistonning bunyodkoriga aylanib borayotgan yoshlar albatta yaxshilik va poklik yoʻlini tanlashlari zarur. Aynan internet tarmogʻidan foydalanishda ham oʻz kelajagi uchun foydali boʻlgan maʼlumotlardan foydalanish maqsadga muvofiqdir.

“Adolat” SDP

                                                      Fargʻona viloyat kengashi Matbuot xizmati.