Har bir nihol – vatanga muhabbat timsoli

Mamlakatimiz prezidenti Shavkat Mirziyoyev rahbarligida oʻtkazilgan videoselektorda taʼkidlanganidek, “Yashil makon” umummilliy loyihasi doirasida 25 oktyabrdan 1 dekabrgacha, “kuzgi daraxt ekish mavsumi” eʼlon qilindi. Bu mavsumda yurtimiz boʻylab 85 million tup koʻchat ekish rejalashtirilgan.

Аna shu ezgu harakatga “Labbay” deb javob bergan Xalq deputatlari Buvayda tuman Kengashi deputati, Buvayda tuman tibbiyot texnikumi direktori Nodirjon Jumaboev boshchiligidagi jamoa ahli ham bu tadbirda faol ishtirok etdilar. Dastlab, texnikum hududidagi boʻsh yer maydonlari haydov traktorlari yordamida yumshatilib, koʻchat ekish uchun shay holda keltirildi.

Texnikum hududini yashil makonga aylantirish uchun 200 tubdan ziyod archaning turli navlari va gul koʻchatlari ekildi.

-Har birimiz salomatligimiz uchun havoning musaffoligi muhim ahamiyatga ega. Tabiatni sevish, uni ardoqlash, har bir ekilgan nihollarni oʻsib, koʻkka boʻy choʻzishi uchun harakat qilish har birimizning vatanga boʻlgan muhabbatimiz va insoniylik burchimizga aylanishi zarur, — deydi Xalq deputatlari Buvayda tuman Kengashi deputati Nodirjon Jumaboev. — Xalqimiz ishonch bildirib saylagan okrug aholisi bilan ham mahallalarda koʻchat ekish ishlarini olib boryapmiz. Har bir zaminga qadalgan nihol vatan obodligi va yurt ravnaqiga, xalqimizning tinch va osuda hayot kechirishi uchun xizmat qiladi. Umummilliy harakatimiz xonadonlarimizda ham davom etadi.

“Adolat” SDP

Fargʻona viloyat kengashi Matbuot xizmati.