Har bir saylovchi eʼtiborimizda

Oʻzbekiston Respublikasi Prezidenti saylovining muddatidan oldin oʻtkazilishi munosabati bilan Oʻzbekiston “Adolat” SDP Fargʻona viloyat Kengashining navbatdan tashqari X Plenumi boʻlib oʻtdi. Unda viloyat Kengashi raisi va rais oʻrinbosarlari, mutaxassislar, partiyaning tuman –shahar kengashlari raislari ishtirokida oldinda turgan muhim siyosiy jarayon bilan bogʻliq dolzarb vazifalar muhokama etildi.

Saylovoldi targʻibot tadbirlarida eng avvalo partiyaning saylov oldi dasturida ilgari surilgan xalq manfaatining ustuvor jihatlariga eʼtibor qaratish va partiya aʼzolari safini yanada kengaytirish, partiyadan koʻrsatilgan Prezidentlikka nomzodning saylovoldi dasturidan oʻrin olgan elektorat manfaatlarini sodda va ravon tilda xalqimizning barcha qatlamlariga yetkazish zarur,- deydi Oʻzbekison “Adolat” SDP Fargʻona viloyat Kengashi raisi Shahnoza Gʻaniyeva.

Biz Yangi Oʻzbekistonning yangi taraqqiyoti kurashchilari, bunyodkorlarimiz. Bugungi intilishlarimiz, saʼy-harakatlarimiz albatta xalqimizni bugungidan-da farovon, baxtiyor yashashi, mamlakatimizning dunyodagi eng rivojlangan davlatlar qatoridan oʻrin olishi uchun xizmat qiladi. Shuni chuqur anglagan holda Prezident saylovini xalqning birdaligi va hamjihatligida oʻtishi uchun astoydil harakat qilishimiz zarur. Plenumda koʻrilgan masalalar yuzasidan tegishli qarorlar qabul qilinib, vazifalar belgilab olindi.

   “Adolat” SDP Fargona viloyat kengashi Matbuot xizmati.