Har ishda adolat boʻlsa...

Xalqning turmush sharoitini bilmoqchi boʻlsang, bozorlariga bor, degan azaliy naql bor. Oziq-ovqat mahsulotlarining serobgarchiligi va narx-navoning xalqimiz topayotgan daromadiga mos va xosligi, tannarxining meʼyorida boʻlishi muhim oʻrin tutadi. Oʻzbekiston “Аdolat” SDP Quva tuman Kengashi masʼullari tomonidan dehqon bozorida oziq-ovqat tovarlari, poliz va sabzavot mahsulotlarining sotuvdagi narxi va saqlanishi boʻyicha navbatdagi oʻrganish ishlarini olib bordilar.

Oʻrganishlar natijalariga koʻra dehqon bozori rastalarida paxta yogʻining bir litri 15000-17000 soʻmdan, kungaboqar yogʻining bir litri 17000-19000 soʻmdan, shakar 12000-14000 soʻmdan, tuxum 900-1300 soʻmdan savdoga chiqarilganligi, kartoshka 4000-5000 soʻmdan, piyoz 3000-5000 soʻmdan, 1 kg mol goʻshti 60000-74000 soʻm, 1 kg qoʻy goʻshti 65000-80000 soʻmdan, 1 kg parranda goʻshti (tovuq) 15000-35000 soʻmdan sotilayotganligi aniqlangan.

Tadbir davomida tijorat doʻkonlaridagi mahsulotlar narxlarini xaridorlarga koʻrinarli qilib yozib qoʻyish, sanitariya normalariga eʼtibor qaratish boʻyicha bozor rahbariyatiga tegishli koʻrsatma va tavsiyalar berildi. Аlbatta, har bir ishda, tijoratda ham adolatning barqarorligi xalq farovonligi kafolatidir.

“Adolat” SDP Fargona viloyat kengashi

Matbuot xizmati.