Hazoraspda bayram shukuhi

Mustaqil Oʻzbekistonimizning tashkil topganiga oʻttiz ikki yil toʻlishi munosabati bilan mamlakatimizda bayramona tadbirlarning koʻtarinki ruhda tashkil etilishi qizgʻin pallaga kirib bormoqda.Bu borada xorazmlik partiyadoshlarimiz ham izchillik bilan faollikni qoʻldan berishmayapti.Xususan, Hazorasp tuman “Shovot” mahallasida hamkor tashkilotlar bilan birgalikda “Yangi hayotga –yangi Oʻzbekiston” shiori ostida tashkil etilgan bayramona tadbir ham hazorasplik hamyurtlarimizning istiqlolimizga boʻlgan hurmat-eʼtiborini yanada mustahkamladi.

Faxriylar, nuroniylar, yoshlar, ayollar ishtirok etgan mazkur tadbir davomida soʻzga chiqqanlar tomonidan mamlakatimiz kundan kunga chiroy ochib, yangidan yangi islohotlar boʻy choʻzib borayotgani, yangi tugʻilgan chaqaloqdan to keksa nuroniylarga yaratilayotgan va berilayotgan imkoniyatlar toʻgʻrisida eʼtirof etishdi.

Istiqlolimiz toʻgʻrisidagi fikr va mulohazalar, kuy va qoʻshiqlar, sahna koʻrinishlari tadbir taʼsirchanligini yanada oshirdi.

Nuroniy otaxonlar-u onaxonlar insonlari qadrlangan mehr-oqibatli yurtda umrguzaronlik qilayotganidan shukronalar bildirishdi. Tadbir soʻngida faol ishtirokchilarga partiyaning esdalik sovgʻalari topshirildi.Voha boʻylab bu kabi tadbirlar davom etmoqda.

                                                                                                  Zamira Abdullaeva,
                                                             “Adolat” SDPXorazm viloyat Kengashi matbuot kotibi.