Himoya orderi chorasiz ayollarga najotmi?

Fargʻona viloyatining Dangʻara, Oʻzbekiston va Furqat tumanlarida mahalla xotin-qizlar faollariga Ijtimoiy himoya milliy agentligi tasarrufidagi Ayollarni reabilitatsiya qilish va moslashtirish respublika markazi Fargʻona viloyat hududiy boʻlimi direktori J. Ahmedova boshchiligida, Dialog plyus NNTetakchi psixologlari, ijtimoiy xodimlari ishtirokida oilada va jamiyatda xotin-qizlar huquqlarini himoyasiga doir navbatdagi seminar oʻtkazildi.

Seminardan soʻng oilaviy munosabatlari darz ketganligi va turmush oʻrtoqlarining tazyiqlaridan himoya qilish maqsadida tumanlarda himoya orderi olgan ayollarning turmush tarzi bilan yaqindan tanishildi. Ular bilan suhbat jarayonida bir qator muammolari oʻrganilib, bartaraf etish choralari koʻrildi.

Furqat tumanida korxona rahbari tomonidan tazyiqqa uchragan ayolning murojaati boʻyicha viloyat ijtimoiy taʼminot boʻlimiga talabnoma kiritilgan boʻlsa, ajrim yoqasidagi K. A va O. Alarning oilasi qayta tiklandi.

Oʻzbekiston tumanida esa 17 nafar himoya orderi olgan ayollarning muammolari oʻrganilib, 4 nafariga talabnoma, 2 nafariga taqdimnoma kiritildi. 3 nafar oila bekalari “Ayollar daftari” boʻyicha muammolari hal etildi. Qolgan barcha ayollarning farzandlari bagʻrida tinch –osoyishta turmush kechirib, jamiyatga nafi tegadigan farzandlarni kamolga etkazishlari uchun moddiy va maʼnaviy tomondan qoʻllab-quvvatlandi.. “Adolat” SDP mazkur tumanlardagi ayollar qanoti raislari ham mahalla faollari bilan birgalikda   oʻnlab ayollarning muammolarini hal qilishga erishdilar. Inson qadri ulugʻlangan yurt  ayollari hamisha qonun himoyasida ekanligini yana bir bor dildan his etdilar.

“Adolat” SDP

Fargʻona viloyat kengashi Matbuot xizmati.