Huquqiy davlatning qonuniy poydevori

 Jamiyatda huquqiy madaniyatni yuksaltirish, jumladan yoshlarning bu borada bilimlarini oshirish  O’zbekiston "Adolat"  SDPning o’z oldiga qo’ygan asosiy vazifalaridan biri. 

 Bugun “Adolat” sotsial-demokratik partiyasi Qarshi  shahar Kengashi tomonidan O’zbekiston Respublikasi Ichki ishlar vazirligi Qashqadaryo akademik litseyida  O’zbekiston Respublikasi Konstitutsiyaning 31 yilligi munosabati bilan  “Vatan kelajagi yoshlar qo’lida” loyihasi doirasida “Konstitutsiya bilimdoni” ko’rik-tanlovining  Qarshi  shahar bosqichi o’tkazildi. Ishtirokchilar tanishtiruv, O’zbekiston Respublikasi Konstitutsiyasi sohadagi bilimlari, savol-javoblar va  erkin mavzu shartlarida belgilangan qat’iy reglament tartibida bellashdilar.

Tanlov shartlarini huquqshunoslardan   tarkib topgan hakamlar hay’ati a’zolari xolisona baholab borishdi.   Ko’rik-tanlovning yakuniy natijalariga ko’ra 1-o’rinni Ichki ishlar Qashqadaryo akademik litseyi  o’quvchisi Ulugbeka Shaymardonova,  2-o’rinni Zufar Avazov, 3-o’rinni Sevinch Axmedovalar  egalladi. Tanlov shartlarini a’lo darajada bajarib, barchani e’tiborini tortgan Ichki ishlar Qashqadaryo akademik litseyi  o’quvchisi   Ulug’beka Shaymardonova  g’olib deb topildi va ko’rik-tanlovning viloyat bosqichiga   yo’llanma oldi.

Tanlovning qolgan ishtirokchilari faol ishtiroki uchun turli nominatsiyalarga ega bo’lishdi.

-Ushbu ko’rik-tanlov orqali men  o’z ustimda yanada kuchliroq ishlashimga, partiya saylovoldi dasturi bilan yaqindan tanishishimga, Konstitutsiyamiz va boshqa hujjatlar to’g’risidagi bilimlarimni mustahkamlashga imkoniyat yaratdi,-dedi tanlov g’olibi Ulug’beka Sharmardonova. - Tanlov jarayonida do’stlar orttirdim. Izlanishlarimni yanada davom ettirib, tanlovning viloyat bosqichida ham faol ishtirok etishga harakat qilaman. Partiyaning saylovoldi dasturlarini  chin dildan qo’llab-quvvatlayman .

 Bir so’z bilan aytganda, partiya tomonidan tashkil etilayotgan bu kabi tadbirlar  Yangi O’zbekistonimizni bilimli va vatanparvar yoshlar bilan birga qurishga xizmat qilishi  muqarrar.

 Tadbir yakunida ishtirokchilar partiyaning esdalik  sovg’alari va faxriy yorliqlar bilan taqdirlandi.

Zumrad Bozorova,

Ichki ishlar Qashqadaryo akademik litseyi o’qituvchisi