Ijtimoiy tarmoq salbiy oqibatlariga bag'ishlangan davra suhbati bolib o'tdi

Har yili yuzlab yosh oilalar barbod boʻladi? Bu barbod boʻlgan oilalarda voyaga etayotgan farzandlar esa tirik etimga, koʻngli kemtikka aylanadi? Bu ajrimlarning asl sababi oʻzi nimada? Biz kattalarning boʻlajak oila sohibalari boʻlgan kamolot ostonasidagi qizlarimizga yetarlicha taʼlim tarbiya bera olmayotganimizda emasmi? Bugun igna tutib, doʻppi, kashta, liboslar tikishga qodir qizlarimiz qoʻllaridan telefon tushmayotgani, ijtimoiy tarmoqlarda band boʻlib qolayotgani ham ajrimlarni yuzaga kelishiga sabab boʻlib qolyapti.

“Adolat” SDP Uchkoʻprik tumani Kengashi raisi Odinaxon Hakimova tashabbusi bilan tuman Oqila ayollar harakati yetakchisi Shodiyaxon Yulchieva, mahalla xotin-qizlar faollari va pir-u badavlat onaxonlar ishtirokidagi davra suhbati ana shu mavzuga qaratildi.

169 ta oilaviy ajrimlar sabablari tahliliga koʻra, yangi hayot ostonasiga kirib borayotgan boʻlajak kelin va kuyovlarga oila saboqlari borasida suhbatlar olib borishga kelishib olindi.

“Adolat”  SDP

Farg’ona viloyat kengashi Matbuot xizmati.