Ikki buyuk siymolar

Har bir xalqning tarixiy va milliy qiyofasini belgilaydigan buyuk shaxslari, olimlari, yirik adib va shoirlari boʻladi. Ana shunday buyuk vatandoshlarimizdan biri sheʼriyat mulkining sultoni Alisher Navoiy boʻlsa, biri Zahiriddin Muhammad Bobur. Bu ikki buyuk shaxslar ulugʻ shoir va adib, qomusiy bilim sohiblari, mohir lashkarboshi hamda yirik davlat arboblari boʻlganlar. Biri dunyoni qalam bilan egallagan boʻlsa, yana biri Hindistonda 300 yildan ortiq hukm surgan Boburiylar sulolasining asoschisi sifatida butun dunyoga maʼlum va mashhur.

Xabaringiz bor, bu yil fevral oyida anʼanaga koʻra yurtimizning barcha goʻshalarida soʻz mulkining sultoni Alisher Navoiyning 582 yilligi va Zahiriddin Muhammad Bobur tavalludining 540 yilligi munosabati bilan turli adabiy tadbirlar va badiiy kechalar oʻtkazilmoqda.

Mazkur buyuk tarixiy shaxslarning hayoti va madaniy meroslari aks etgan holda “Adolat” SDPning boshlangʻich partiya tashkiloti aʼzolaridan iborat boʻlgan, Сhimboy tumanidagi 17-sonli umumtaʼlim maktabda “Ikki buyuk siymolar” mavzusida adabiy-badiiy tadbir tashkil etildi.

Tadbirda oʻquvchilar tomonidan Alisher Navoiy va Zahiriddin Muhammad Boburning dilga yaqin ijodiy asarlaridan sheʼrlar aytilib, sahnaviy chiqishlar ijro etildi.

Tadbir yakunida barchaga ijodiy kecha birdek manzur boʻlib, shunday buyuk shaxslarning ezgu amallarga boy ibratli hayot yoʻllarini eslash va ajdodlarimizni xotirlash, ularga ehtirom koʻrsatish — xalqimizga xos ezgu fazilatlardan biri ekanligi taʼkidlandi.

Murat Otarbaev,
“Adolat” SDP Сhimboy tumani Kengashi raisi