Inson aziz- xotira muqaddas

Xotira va qadrlash – xalqimizning asriy qadriyatlari, ulugʻ fazilatlaridan biridir. El-yurtining tinchligi, osoyishtaligi, erki va ozodligi uchun kurashgan insonlar hamisha xalqimiz ardogʻidadir. Ana shunday mardlik va jasorat namunasini koʻrsatganlarga, jang maydonlarida jonini fido qilgan bobolarimiz, sabr-bardosh bilan katta qiyinchiliklarni yengib oʻtgan momolarimizni sharaflash, xotirasini abadiylashtirish, ularga gʻamxoʻrlik va eʼtibor koʻrsatish mustaqillik yillarida yangicha maʼno-mazmun bilan boyidi.

Bu jihatdan yurtimizda keng nishonlanayotgan Xotira va qadrlash kuniga bagʻishlangan tadbirlarda, ona diyorimiz xalqimizning ozodligi va istiqloli, erkin va farovon hayotini mardlik va shijoat bilan himoya qilgan fidoyi yurtdoshlarimizga koʻrsatayotgan gʻamxoʻrlik, hurmat-ehtiromda yanada yaqqol namoyon boʻlmoqda.

Shu kabi tadbirlardan biri Jondor tumanining 15-maktabida boʻlib oʻtdi.

Uchrashuvda “Adolat” ADP Jondor tuman Kengashi raisi B.Jabborov va mazkur maktabning nafaqadagi faxriy oʻqituvchilari va hozirda pedagogik faoliyatini yuritib kelayotgan oʻqituvchilar ishtirok etishdi.

Pedagoglar bir dasturxon atrofida yigʻilib, oʻtganlarning ruhlariga Qurʼon tilovatlar oʻqishdi.

Shundan soʻng, tuman Kengashi raisi soʻzga chiqib, oʻzi rahbarlik qilgan davrlarni eslab, oʻtgan oʻqituvchilarni xotirladi. Xodimlarni bayram bilan qutlab, kelgusidagi ishlariga omadlar tiladi.

Mohigul Rahimqulova

“Adolat” SDP Buxoro viloyat Kengashi matbuot kotibi.