“Inson kapitalini rivojlantirish va kreativ yosh avlodni tarbiyalash Yangi Oʻzbekistonning oʻz oldiga qoʻygan strategik maqsadlardan biridir”

2023-yilning 19-sentabr sanasi tariximizning yana bir sahifasini zarhal satrlar bilan boyitdi. Nyu-York shahridagi Birlashgan Millatlar Tashkiloti bosh qarorgohida BMT Bosh Assambleyasi 78-sessiyasining umumsiyosiy munozaralari boʻlib oʻtdi hamda ushbu muhim siyosiy ahamiyat kasb etadigan yigʻilishda Oʻzbekiston Respublikasi Prezidenti Shavkat Mirziyoyev ham ishtirok etdilar.19-sentabr sanasini tarixiy sanaga aylantirgan nutqni soʻzladilar.
Jumladan, Davlatimiz rahbari oʻz nutqida hamjihatlik va xalqaro manfaatlarni mavjud ziddiyatlardan yuqori qoʻygan holda mamlakatlarni yanada jipslashtirish zarurligini va hozirgi globallashuv asrida bu muhim ahamiyat kasb etishini taʼkidlab oʻtdilar. Ayniqsa, Shavkat Mirziyoyev tomonidan huquqiy asoslarga tayangan holda qabul qilinib, xalqimiz tomonidan iliq munosabat va koʻtarinki ruhda kutib olingan “Oʻzbekiston-2030” taraqqiyot strategiyasi Birlashgan Millatlar Tashkilotining Barqaror rivojlanish maqsadlariga uygʻun ekanligi, mamlakatimiz global tahdidlarga qaramasdan, barqaror oʻsish surʼatlarini namoyon etayotganligi haqida aytgan fikrlari butun yigʻilish ishtirokchilarining olqishiga sazovor boʻldi. Soʻnggi 6 yilda yalpi ichki mahsulot hajmi bir yarim martadan ortiq koʻpayganligi, Yangi Oʻzbekistonning eng ezgu va bosh maqsadi-2030-yilga qadar ushbu koʻrsatkichni yana 2 barobarga oshirish ekanligi ham Yurtboshimizning nutqlaridan oʻrin oldi.
Sammit davomida iqtisodiyotimizni liberallashtirish yoʻlidagi yana bir ustuvor vazifa yaqin orada Jahon savdo tashkilotiga toʻlaqonli aʼzo boʻlish ekanligi haqidagi dolzarb va ertangi kunimiz uchun, bozor iqtisodiyotimiz uchun muhim ekanligi haqida ham aytib oʻtildi.
Davlatimiz rahbari aholisining deyarli yarmi yosh avlod vakillari boʻlgan Markaziy Osiyo uchun yoshlar va ularning salohiyatini roʻyobga chiqarish masalasi ayniqsa dolzarb ahamiyatga ega ekanligini nutqlarida keltirib oʻtdilar.
Butun Oʻzbekiston xotin-qizlarining quvonchiga sabab boʻlgan holatlardan biri quyidagi dolzarb fikrlarda oʻz aksini topdi deyish mumkin: “Milliy siyosatimiz markazida turadigan eng ezgu maqsad: oilalar mustahkamligi, ayollarimizning huquqiy himoyasi va osoyishta hayotini taʼminlashdan iborat,“- dedi Oʻzbekiston yetakchisi. Mamlakatimiz “ Birlashgan Millatlar Tashkiloti-xotin-qizlar” tuzilmasi bilan hamkorlikni yanada kengaytirishdan manfaatdorligi taʼkidlanib, birgalikdagi tashabbus sifatida ayollarning bunyodkorlik salohiyatini roʻyobga chiqarish masalalarini muhokama qilish va tajriba almashish uchun kelgusi yili Oʻzbekistonda Osiyo xotin-qizlari forumini oʻtkazish Davlatimiz rahbari tomonidan taklif qilindi.
BundantashqariShavkatMirziyoyevyigʻilishishtirokchilariningdiqqatinisoʻnggipaytlardaayrimmamlakatlardakoʻzgatashlanayotgandiniytoqatsizlik, islomofobiya holatlariga yoʻl qoʻymaslikka qaratdi.
Faol yoshlarning vakili sifatida ushbu tarixiy nutqni yoshlar va aholining eng tub qatlamlarigacha yetib borishi uchun Oʻzbekistondagi barcha yoshlarini birdamlikka, bir yoqadan bosh chiqarib harakat qilishga chorlab qolaman. Zero, yoshlar ertangi kunning, Yangi Oʻzbekiston islohotlarining bilimdoni va targʻibotchilaridir.

Shaxzod Noʻmonov,

“Adolat” SDP Namangan viloyati Kengashi matbuot kotibi.