Inson manfaatlari har narsadan ustundir

Hech birimizga sir emas, soʻnggi yillarda xalqparvar davlatni barpo etish, inson huquq va manfaatlari, qadr-qimmatini yanada samarali taʼminlash mamlakatimizdagi tub islohotlarga mos konstitutsiyaviy-huquqiy Davlat yaratish zaruratini yuzaga keltirgan edi.

Shu maqsadda konstitutsiyaviy islohotlarni oʻtkazish bilan bogʻliq ishlarning samarali va puxta amalga oshirilishini taʼminlash maqsadida qator chora-tadbirlar amalga oshirildi.

Pastdargʻom tuman hokimligida tashkillashtirilgan yigʻilish mavzusi ham, joylarda Referendumning targʻibotining oʻtkazish yuzasida boʻlib oʻtdi. Oliy Majlis Qonunchilik Palatasi deputati Muzaffara Abdiyeva ishtirokida tashkillashtirilgan yigʻilishda tuman hokimligi Kotibiyati, deputat Gulbeka Quchkarovalar Komissiya tarkibida boʻlib yigʻilish qatnashchilariga, targʻibotlarni yuqori saviyada oʻtkazish yuzasidan va yangilangan Konstitutsiyamiz haqida maʼlumotlar berib oʻtishdi.

Yurtimizda davom etayotgan siyosiy jarayonda har bir fuqaroning oʻz fikr-mulohazalarini, takliflarini bildirishi uchun barcha qulayliklar yaratib berildi. Natijada, mana, xalqning orzu-istaklari toʻla aks etgan yangi Konstitutsiya yuzaga keldi. Bugungi yigʻilishda ham ishtirok etgan mahallalar faollari, xotin-qizlar maslahatchilari va mahalla posbonlari Referendumning targʻiboti yuzasidan oʻzlarini qiziqtirgan barcha savollarga javob olishdi. Bahs-munozaralarga boy oʻtgan yigʻilish, kelgusidagi yangilangan Konstitutsiyamizning, eng avvalo inson manfaatlari, uning haq-huquqlarini ilgari surgan tamoyil asosida harakatlanishi taʼkidlangan holda tugatildi.

Xonbuvi Hayitova,

“Adolat”SDP Pastdargʻom tumani Kengashi raisi.