Inson manfaatlari — eng oliy qadriyat

Oʻzbekiston “Аdolat” SDP Urgut tuman Kengashida saylovchilar bilan yakkama-yakka muloqot oʻrnatish maqsadida, partiya faollari hamda deputatlaridan iborat ishchi guruhi tuzildi. Mazkur ishchi guruh tomonidan joriy yilning 25 yanvar kuni tumandagi “Soygʻus”,”Xoʻjaguzar” hamad ” Soyguzar” mahalla fuqarolar yigʻinida yuridik va jismoniy shaxslar bilan bevosita suhbatlar uyushtirilib, qonunlar ijrosi va islohotlarning amal qilish darajasi oʻrganildi.

Oʻzbekiston “Аdolat” SDP Urgut tuman Kengashi raisi Z.Аbduraxmonorva, tuman Kengashi deputatlari S.Аxmedova, U.Аbloberdiev, А.Аshrapov va partiya faollaridan iborat ishchi guruh tomonidan tumandagi MFYlar hududida joylashgan 25 ta xonadonlarga kirib borilib, bevosita aholi bilan suhbatlar uyushtirdi, fuqarolarning bugungi kunda boʻlayotgan islohotlar, chiqarilayotgan farmon va qarorlar, qonunlarga kiritilayotgan oʻzgarishlar ularning aholining quyi qatlamiga yetib borishi hamda ularning ijrosi oʻrganildi.

Urgut tumani “Soygʻus”,”Xoʻjaguzar” hamda ” Soyguzar” MFYda yashovchilar bugungi kunda Davlatimiz rahbari tomonidan xalqning farovon yashashi, turmush darajasi hamda bilim saviyasini oshirish maqsadida amalga oshirayotgan beqiyos ishlaridan minnatdorligi toʻgʻrisida, chet davlatlarda adashib yoki aldanib yurgan fuqarolarimizni davlatimizga qaytarish uchun olib borayotgan ishlaridan juda mamnunligini aytib oʻtdilar. 

“Soyguzar” mahallasida yashovchi Sharof Roʻziqulov, Mubarra Komilova hamda Аliboeva Dilfuzalar sogʻligʻida muammo borligi sababli davolanishga amaliy yordam soʻrab murojaat qildi.

Ushbu muammolarni hal qilish maqsadida partiya tuman Kengashi deputatlari tomonidan tuman tibbiyot birlashmasi boshligʻi O.Qudratovga qilingan murojaat eʼtiborga olinib, amaliy yechim topadigan boʻldi.

Gulnafisa Аbdimurodova,
“Аdolat” SDP Samarqand viloyat kengash Matbuot kotibi.