Inson qadri-Adolat ustunidir!

Biz Oʻzbekistonda olib borilayotgan davlat siyosatining markazida inson va uning manfaatlarini taʼminlashni ustuvor vazifa etib belgiladik. Bu siyosat bir yil bilan cheklanib qolmasligi, doimo bardavom boʻlishi barchamizga ayon. Shu yurtda yashayotgan har bir insonning tinch va baxtli hayot kechirishi, uning sogʻligʻi joyida boʻlishi, yaxshi taʼlim olishi, oilasini tebratishi uchun qanday sharoit kerak boʻlsa, hammasini yaratib berishga harakat qilyapmiz va bu yoʻldan aslo toʻxtamaymiz!

Xalq – davlat mavjudligining birdan-bir manbai. Oʻz fuqarolari xohish-istaklarini amalga oshirish va ularning qonuniy manfaatlarini taʼminlashga xizmat qiluvchi davlat qudratli boʻladi hamda jahon miqyosida hurmat qozonadi.

Bularning isboti Kuni kecha boʻlib oʻtgan muddatidan oldin Oʻzbekiston Respublikasi Prezidenti saylovi jarayonlari, Mamlakatda siyosiy oʻzgarishlarning, yuksalishlarning katta debochasi sifatida qabul qilindi desam adashmagan boʻlaman. Mamlakatimizdagi insonparvar islohotlarga hamohang tarzda inson huquqlari sohasiga oid ilmiy tadqiqotlar salmogʻi va qamrovi ham ortmoqda. Eng muhimi, amalga oshirilayotgan insonparvar islohotlarning samarasi va ijobiy taʼsirini diyorimizdagi har bir inson avvalo oʻz hayotida yaqindan his etib kelmoqda.

Sanobar Mirsaidova,

Xalq deputatlari Samarqand viloyat Kengashi deputati.