Inson qadri ulugʻlangan yurt

Bugungi kunda Yangi Oʻzbekiston inson qadrini ulugʻlash, adolatli va xalqparvar davlat qurish kabi muhim gʻoyalar asosida barpo etilmoqda. Davlatimiz rahbari tomonidan olgʻa surilayotgan bunday ulugʻvor maqsad asosida fuqarolarimiz yangidan-yangi islohotlarning haqiqiy yaratuvchisiga aylanib bormoqda. Shu sabab, “Harakatlar strategiyasidan – Taraqqiyot strategiyasi sari” tamoyili asosida yurtimizda keyingi yillarda olib boriladigan islohotlarning zarur barcha asoslarini yaratishga asoslangan Yangi Oʻzbekistonning 2022–2026 yillarga moʻljallangan taraqqiyot strategiyasi loyihasi joriy yil internetdagi regulation.gov.uz, 2022-2026.strategy.uz va jamoatchilik.uz portallarida keng jamoatchilik muhokamasi uchun joylashtirildi.

Taraqqiyot strategiyasi va uni 2023 yilda amalga oshirish boʻyicha “Yoʻl xaritasi”da mamlakatimizni rivojlantirishning ustuvor yoʻnalishlari doirasida qariyb 100 ta maqsadlarga erishish nazarda tutilmoqda.

Mazkur Farmonda unda erkin fuqarolik jamiyatini rivojlantirish orqali xalqparvar davlat barpo etish, inson qadri-qimmati va uning qonuniy manfaatlarini taʼminlash, adolat va qonun ustuvorligi – xalqchil davlat qurish, inson qadr-qimmatini taʼminlash, milliy iqtisodiyotni rivojlantirish, adolatli ijtimoiy siyosat yuritish, inson kapitalini rivojlantirish, maʼnaviy va maʼrifiy sohalarda islohotlarni amalga oshirish, xalqimizning ogʻirini engil qilish, aholi uchun qoʻshimcha qulayliklar yaratish va ularning xarajatlarini tejash, fuqarolarning pensiya taʼminotini yaxshilash va pensionerlarni qoʻllab-quvvatlash, aholiga sifatli kommunal xizmat koʻrsatishga qaratilgan keng koʻlamli va samarali tadbirlarni amalga oshirish belgilangan.

Shu bilan birgalikda Farmonda taʼlim, fan, sogʻliqni saqlash tizimlarini zamonaviy talablar asosida rivojlantirish, yoshlarni har tomonlama yetuk va sogʻlom boʻlib ulgʻayishlari uchun zarur barcha sharoitlarni yaratish ham muhim oʻrin egalladi.

Qolaversa, Farmonda xalq farovonligini yanada oshirish, iqtisodiyot tarmoqlarini transformatsiya qilish va tadbirkorlikni jadal rivojlantirish, inson huquqlari va manfaatlarini soʻzsiz taʼminlash hamda faol fuqarolik jamiyatini shakllantirishga qaratilgan islohotlarning ustuvor yoʻnalishlarini belgilash maqsadida koʻplab chora-tadbirlarni amalga oshirish koʻzda tutilgan.

Oftoboy Nishonova,

Xalq deputatlari Jizzax shahar Kengashi deputati.