“Inson qadri ulugʻlangan yurt”

Partiya loyihasi doirasida Quva tumani markaziy kutubxonasida maʼnaviy- maʼrifiy tadbir tashkil etildi. “Adolat” SDP Quva tuman Kengashi raisi Shohista Mamajonova tashabbusi bilan boʻlib oʻtgan bu tadbirda partiyaning tuman Kengashi “Ayollar qanoti” raisi Irodaxon Qosimovaning ilk kitobi “Baxtga etguncha” nomli ilk kitobi taqdimoti oʻtkazildi.

Taqdimotda Fargʻona viloyat Yozuvchilar uyushmasi aʼzolari, yosh ijodkorning ustozlari, mahalla faollari ishtirok etdilar.

Oʻzbekiston Yozuvchilar uyushmasi aʼzosi Zuhra Aliyeva iqtidorli shoira ijodi haqida soʻz yuritar ekan, ona vatan, ezgulikni tarannum etuvchi sheʼrlari orqali yosh avlod qalbiga samimiy muhabbat va doʻstlikni tortiq etishini taʼkidlab oʻtdi. Oʻz navbatida Irodaxon Qosimova goʻzal sheʼrlaridan oʻqib, barchani sheʼriyatga oshno eta oldi.

“Adolat” SDP

Fargʻona viloyat kengashi Matbuot xizmati.