Inson shaʼni va qadr-qimmati daxlsizdir

Oliy Majlis senati huzuridagi “Yoshlar parlamenti” aʼzosi, Xalq deputatlar Kogon tuman kengashi deputati, “Adolat” SDP Kogon tuman Kengashi “Yosh adolatchilar” qanoti raisi Shehroz Norov va Xalq deputatlar Kogon tuman Kengashi deputati Dildora Murodovalar tomonidan tuman Madaniyat uyi binosi maydonida “B.Naqshband” MFY aholisi ishtirokida “Inson shaʼni va qadr-qimmati daxlsizdir” shiori ostida targʻibot tadbiri boʻlib oʻtdi.

Unda Kogon tuman Kengashi deputati Dildora Murodova soʻzga chiqib, soʻnggi yillardagi islohotlar va har bir mahalla, har bir xonadonga kirib borgan ijobiy oʻzgarishlar, inson qadri ulugʻlanayotganligi, bu kabi ijobiy oʻzgatishlar endilikda Bosh Qomusimizda ham aks etayotganligi haqida soʻz yuritdi.

Ayniqsa, Konstitutsiyada yoshlar masalasi alohida bob darajasiga olib chiqilishi Yangi Oʻzbekistonda yoshlar siyosati ustuvor ekanligiga yaqqol ishoradir – deya taʼkidlandi.

Deputatlarimiz uchrashuv chogʻida mahalla faollari, yoshlar, xotin-qizlarga asosiy Qonunimizga kiritilayotgan oʻzgartirishlar haqida keng maʼlumotlar va saylovchilarni qiziqtirgan savollariga javob berdi.

Deputatlarimizning joylardagi targʻibot tadbirlari davom etmoqda.

Mohigul Rahimqulova,
“Adolat” SDP Buxoro viloyat Kengashi
matbuot kotibi