Insonga farovonlik, jamiyatga erkinlik, davlatga mas’uliyat!

Oliy Majlis Qonunchilik palatasi deputati Maxfurat Xushvaqtovaning Muborak hamda Mirishkor tumani fuqarolari bilan “Referedum-2023: Kelajaging uchun ovoz ber” shiori ostidagi uchrashuvlari davom eimoqda. Bugun shunday uchrashuv Mirishkor tumanidagi 9- maktab tadbirgohida bo‘lib o‘tdi. Unda tumandagi 10 dan ortiq MFY lar a’zolari, xotin-qizlar va yoshlar tashkilotlari, o‘qituvchilar, shifokorlar hamda keng jamoatchilik vakillari qatnashdi.

-Aholi salomatligini asrash bilan bog‘liq normalar 4 barobar ko‘pytirilmoqda,- dedi deputat.- Yangi tahrirdagi Konstitutsiyada aholi kafolatlangan bepul tibbiy xizmatlardan foydalanishi ham kiritilgan. Bu aholi sog‘lig‘ini ishonchli muhofaza etish hamda onalar va bolalar o‘limi, yuqumli kasalliklar tahdidini bartaraf etishda juda muhim ahamiyatga egadir.

 Shuningdek deputat  mamlakatimiz har jihatdan katta davlatga aylanayotgani,  aholimiz 2040 yilga borib 50 millionga yetishi, jamiyatning yarmidan ko‘pini yoshlar tashkil qilishi,  ularga munosib hayot sharoiti yaratish uchun esa barqaror iqtisodiyot, xavfsiz davlat, samarali boshqaruv, ijtimoiy kafolatlar bo‘lishi lozimligi xususida fikr mulohaza yuritdi. Yangilanayotgan Konstitutsiya bob va moddalari haqida to‘planganlarga keng tushuntirish berdi. Uchrashuv nihoyasida barchani 30-aprel kuni bo‘lib o‘tadigan referendumga ishtirok etishga chorladi.

                                                                Doston Nusurov,

                                             “Adolat” SDP Qashqadaryo viloyat

                                               Kengashi yetakchi mutaxassisi.