Insonparvarlik xislatlari xalqimizga xos fazilat

Jahonda bir ezgu amal borki – koʻngillarni yayratib, dillarni xushnud etadi. Insonlar oʻrtasida oʻzaro mehr-oqibatni mustahkamlab, muhabbat rishtalarini bogʻlaydi. Jamiyatda tinchlik-totuvlikni taʼminlab, insoniylik fazilatlarini yuksalishiga hissa qoʻshadi.

Ha anglaganingizdek bu insonlarga qilinayotgan yaxshilik. Insoniylik, saxovatpeshalik va bagʻrikenglik xislatlari azaldan xalqimizga xos goʻzal fazilatlardan. Quvonarlisi bu borada partiyamizdan saylangan deputatlar ham koʻpchilikka ibrat boʻlib kelmoqda.

Xususan, partiyamizdan xalq deputatlari viloyat Kengashiga saylangan deputat Tozagul Xoliqova saylov okrugi hududida ijtimoiy himoyaga muhtoj, kamtaʼminlangan yoki bemor yotgan fuqarolar holdan xabar olib. Hol-ahvol soʻraydi, imkoniyati yetguncha, vakolati doirasida koʻmak beradi.

Yaqinda Ishtixon tumanidagi “Mohpar” va “Bogʻbon” mahalla fuqarolar yigʻinida aholi bilan yuzma-yuz muloqot oʻtkazib, ularni qiynayotgan masalalar yuzasidan suhbatlashdi. Aholi tomonidan ichki yoʻllarni taʼmirlash, bandlik, tibbiyot, kommunal soha va shu kabi mavzularda koʻtarilgan murojaatlar boʻyicha mutasaddi tashkilotlarga deputatlik soʻrovlari joʻnatildi.

Jumladan, “Bogʻbon” mahalla fuqarolar yigʻinida yashovchi bir oilada ikki nafar nogironligi boʻlgan farzandni voyaga yetkazayotgan xonadon ahli bilan suhbat olib borilganda, farzandlariga nogironlikni belgilash hamda nogironlik aravachasi bilan taʼminlashda deputatdan amaliy koʻmak suradi.

Fuqaro murojaati asosida tegishli soha mutasaddilariga qilingan deputatlik soʻrovi tez fursatda oʻz ijobiy yechimini topib, fuqaro xonadoniga nogironlik aravachasi yetkazib berildi. Uchrashuvda oʻrtaga tashlangan boshqa masalalar ham ijroga yoʻnaltirilganligi maʼlum qilindi.

“Adolat” SDP Samarqand viloyat Kengashi

Matbuot xizmati.