Internet tarmogʻidan samarali foydalanyapsizmi?

“Adolat” SDP Shahrisabz tuman Kengashi tomonidan Yoshlar agentligi tadbirgohida “Internet tarmogʻidan foydalanish madaniyati” mavzusida tadbir boʻlib oʻtdi. Unda partiya faollari, yoshlar qatnashdi.

-Internet keyingi yillarda juda ommalashgan tarmoqdir,-dedi xalq deputatlari Qashqadaryo viloyat Kengashi deputati Dilrabo Temirova.- Bu – hozirgi zamon talabidagi yagona ommabop kompyuter tarmogʻi desak mubolagʻa boʻlmaydi. Bizga barcha sohalarga oid noaniqlik yaʼni ongimizga mavhum boʻlgan tushunchalar haqida ochiq, aniq, oddiy va ravon maʼlumot beruvchi axborot manbaidir. Albatta hozirgi kunda ushbu omilga boʻlgan ehtiyojmandlar soni kundan kunga ortib bormoqda.Odamlarning kundalik axborotga boʻlgan talabi nihoyatda ortgan. Shuni alohida qayd etmoqchimanki, mazkur tarmoq butun dunyo miqyosida global tarmoqqa aylanib ulgurdi. Negaki undan toʻgʻri foydalanuvchilar va notoʻgʻri foydalanuvchilar koʻpayib ketdi. Eng achinarli tomoni shundaki, internetga oʻz shaxsiy manfaatlarini oʻylab turli milliy qadriyatlarimiz va mentalitetimizga zid boʻlgan narsalar ham joylashtirilmoqda. Bu esa endi oʻsib ulgʻayib kelayotgan farzandlarimizning ongini zaharlayapti.

-Zero internet unda mavjud yangiliklardan xabardor etuvchi matinlar, tasvir hamda ovoz xizmatlari va bir qator imkoniyatlar barcha jabhada katta yengilliklarni yuzaga keltiryapti,-dedi partiya faoli Amriddin Baratov.- Internet tarmogʻida joylashtirilgan axborotlarni toʻgʻri tanlash har jihatdan oʻrinlidir. Internetning oʻz ichiga qamrab olgan axborotlar miqyosi shu qadar keng va koʻp ekanligi gohida oʻzimizga kerakli boʻlgan maʼlumotlarni ajratib olishimizda ham qiyinchilik tugʻdirmoqda. Darhaqiqat, dunyo axborot maydoni tobora kengayib borayotgan shunday bir sharoitda yoshlarimizning ongini oʻrab – chirmab, uni oʻqima, buni koʻrma deb bir tomonlama tarbiya berish, ularning atrofini temir devor bilan oʻrab olish hech shubhasiz zamonning talabiga ham bizning ezgu maqsad – muddaolarimizga xam toʻgʻri kelmaydi. Nega deganda biz yurtimizda huquqiy hamda ochiq va erkin demokratik jamiyat qurish vazifasini oʻz oldimizga qatʼiy maqsad qilib qoʻyganmiz va bu yoʻldan hech qachon qaytmaymiz.

Tadbirda internet tarmogʻidan har tomonlama toʻgʻri foydalanish yuzasidan ishtirokchilarga mutaxassislar tomonidan tushuntirishlar berildi. Shu kecha kunduzda   inson maʼnaviyatiga qarshi yoʻnaltirilgan bir qarashda arzimas boʻlib tuyuladigan kichkina xabar ham axborot olamidagi globallashuv shiddatidan kuch olib, koʻzga koʻrinmaydigan, lekin zararini hech narsa bilan qoplab boʻlmaydigan ulkan ziyon yetkazishini unutmasligimiz kerak. Biz har qanday vaziyatda ham yoshlarimizni yod gʻoyalar taʼsiridan himoya qilishimiz kerak. Tadbirda shular xususida batafsil tavsiyalar berildi.

Samandar Ixtiyorov,

“Adolat” SDP Shahrisabz tuman Kengash raisi.