Ish samaradorligi koʻrib chiqildi

“Adolat” sotsial-demokratik partiyasi Qoraqalpogʻiston Respublikasi Kengashining joriy yil oʻtgan 6 oy davomida ishlangan faoliyatining natijalari boʻyicha majlisi boʻlib oʻtdi.

Majlisni partiyaning Qoraqalpogʻiston Respublikasi Kengashi raisi N.Qayipbergenov ochib berdi.

Majlis davomida, oʻtgan oylar davomida Partiyaga yangidan 851 aʼzo qabul qilinib, 2 boshlangʻich partiya tashkiloti tuzilganligi ochiqlandi. Shu kunga qadar aholini qiynayotgan muammolarga yechim topish maqsadida saylovchilar murojaati asosida tegishli joylarga 63 deputatlik soʻrovlari chiqarilgan. Bu deputatlik soʻrovlardan 40 deputat soʻrovi ijobiy hal qilingan.

Shuningdek, majlis davomida oʻz xizmat vazifasiga masʼuliyatsiz yondashgan partiyaning tuman Kengash raislari faoliyati tanqidiy koʻrib chiqilib, ularga intizomiy chora koʻrildi.

“Adolat”SDP

Qoraqalpogʻiston Respublikasi kengashi Matbuot xizmati.