Ishlab chiqarish obyektlarida yongʻin xavfsizligini taʼminlash– Muhim masala

Yurtimiz boʻylab oʻtkazilayotgan “Dolzarb 30 kun” tadbirlarida “Issiqlik elektr stansiyalari” aksiyadorlik jamiyati tizim korxonalari faol ishtirok etishmoqda. Mazkur izimdagi yirik elektr stansiyalardan biri hisoblangan Sirdaryo IES korxonasida boʻlib oʻtgan navbatdagi amaliy tadbirlar shular jumlasidandir.

Dolzarb 30 kun tadbirlarini oʻtkazishdan asosiy maqsad, korxonalarda yongʻin xavfsizligini taʼminlash, yongʻinlarning oldini olish, yongʻin qutqaruv ishlarida xodimlar malakasini oshirish, koʻngilli yongʻin oʻchirish drujinasi aʼzolarining jismoniy tayyorgarligini yanada shakllantirishdir.

Ushbu maqsadlar asnosida Sirdaryo IES korxonasida, “Yongʻinlarni oldini olish va ularni bartaraf etish ishlari samaradorligini oshirish” mavzusida Viloyat favqulodda vaziyatlar boshqarmasi va obyekt yongʻin qutqaruv qismi xodimlari ishtirokida seminar yigʻilishi va obyekt koʻngilli yongʻin oʻchirish drujinasi aʼzolari orasida “Yongʻin qutqaruvchisi” musobaqasi oʻtkazildi.

Stansiyaning sexlari va boʻlimlaridan iborat 11 ta jamoa 4 bosqichdan iborat boʻlgan boʻlgan musobaqada bellashdilar. Yakuniy xulosalarga koʻra 1-oʻrinni 2-qozon turbina sexi jamoasi, 2-oʻrinni kimyo sexi jamoasi va 3-oʻrinni issiqlik suv taʼminoti sexi jamoasi qoʻlga kiritdi.

“Dolzarb 30 kun” tadbirlari doirasida oʻtkazilayotgan bunday musobaqalardan asosiy maqsad, korxona xodimlarini Yongʻin xavfsizligi qoidalari talablarini toʻliq bajarishi va yongʻinlar sodir boʻlganda uni zudlik bilan bartaraf etish boʻyicha malakalarini oshirish belgilangan, — deydi Sirdaryo IES yongʻin xavfsizligi boʻyicha inspektori Jahongir Ovlakimov.

"Sirdaryo Issiqlik Elektr Stansiyasi"

AJ OBYoXTTEB inspektori katta leytenant U.SH.Husanov.