Ishonchli vakil saylovchilar bilan uchrashmoqda

Oʻzbekiston Respublikasi Prezidentligiga “Adolat” SDP tomonidan nomzod sifatida koʻrsatilgan Robaxon Maxmudovaning Toshkent viloyatidagi ishonchli vakili Gulnora Aхmedova navbatdagi saylovoldi tashviqot tadbirini Yangiyoʻl shahridagi 3-umumiy oʻrta taʼlim maktabida faollar, mahalliy Kengashdagi partiya deputatlari, mahalliy aholi vakillari hamda partiyaga xayrixoh boʻlgan yoshlar ishtirokida oʻtkazdi.

Ishonchli vakil Gulnora Axmedova yigʻilganlarga partiya nomzodining saylovoldi dasturidan oʻrin olgan kelgusi yetti yilga moʻljallangan strategik maqsad va vazifalar haqida atroflicha maʼlumot berdi.

Ishonchli vakilning qayd etishicha, partiya nomzodi Robaxon Maxmudovaning Saylovoldi dasturidan mamlakatimizning barqaror taraqqiyotida gʻoyat muhim boʻlgan ustuvor vazifalar oʻrin olgan.

Xususan, unda ilm-fan, innovatsiyalar va taʼlim sohasining barqaror rivoji – taraqqiyotimiz kafolati ekaniga katta eʼtibor qaratilgan. Ilm-fan va innovatsiyalarni rivojlantirish orqali fan – taʼlim – ishlab chiqarish tizimlarining uzviy aloqadorligini taʼminlash masalasiga ustuvorlik berilgan. Mamlakatimizda innovatsion rivojlanishni jadallashtirish, iqtisodiyotning barcha tarmoqlarida innovatsiyalar va texnologiyalarni keng tatbiq qilish, inson kapitalini, ilm-fan va innovatsiya sohalarini rivojlantirish yoʻlidan borilishi koʻzda tutilgan.

“Adolat”SDP

Toshkent viloyat kengashi Matbuot xizmati.