Jamoatchilik nazorati – muammolarga qaratildi

Havoning keskin sovib ketishi har bir masʼullardan xonadonlar va ish joylarida, taʼlim maskanlarida isitish tizimlarini barqaror ishlashini taʼminlashni taqozo etmoqda

Oʻzbekiston Respublikasi Prezidenting 2023- yil 10- aprel kuni “Ijtimoiy soha obyektlarining isitish tizimlarini davlat — xususiy sherikchilik asosida modernizatsiya qilish toʻgʻrisida”gi qaroriga asosan, Xalq Deputatlari Quva tuman Kengashi deputati Murodjon Rahimov tomonidan, Turk MFY37- sonli DMTTi oʻrganildi.

Bogʻchada tarbiyalanayotgan oʻgʻil –qizlarni sogʻlom ovqatlanishlari uchun sifatli va zarur oziq-ovqat mahsulotlari yetkazib berilgan. Oshpazlar tomonidan belgilangan kunlik taomnoma asosida nonushta va ovqatlar tayyorlab berilyapti. Biroq, taьlim maskanida isitish tizimlari bir xil quvvat bilan ishlashi uchun zarur koʻmir zaxiralari jamgʻarilmagan.

Xalq deputatlari Quva tuman Kengashi deputati Murodjon Rahimov bu kabi muammolarni bir qator maktabgacha taʼlim tashkilotlarida ham oʻrgandi va aniqlangan kamchiliklarni bartaraf etish yuzasidan tegishli tashkilotlarga deputatlik soʻrovi yuborildi.

 "Adolat"SDP

farg'ona viloyat kengashi Matbuot xizmati.