Jinoyatchilikka qarshi kurashish asosiy vazifamiz

Bugungi kunda jamiyatimizda yoshlikdek bebaho davrdan unumli foydalanib, mamlakatimizda yoshlar uchun yaratilayotgan keng imkoniyatlar barobarida katta yutuqlarga erishayotgan yoshlarimiz qatorida, bilib-bilmay jinoyat koʻchasiga kirib qolayotgan yoshlar ham oz emas. Ayni mana shuning uchun ham yoshlar orasida huquqbuzarlik va jinoyatchilikning oldini olish asosiy vazifalarimizdan biri boʻlib, buning uchun faqatgina ota-ona emas, shu bilan birga mahalla,oʻquv dargohlari va mutasaddi tashkilotlar ham javobgar hisoblanadi.

“Adolat” SDP Taxtakoʻpir tumani Kengashi tomonidan “Gʻerezsizlik” MFY hududidagi 6-sonli umum taʼlim maktabida “Yoshlar orasida jinoyatchilik va huquqbuzarlikning oldini olish zarur vazifa” mavzusida uchrashuv tashkil qilindi.

Uchrashuvda inson huquqlari va uning xavfsizligiga xavf tugʻdiradigan jinoyatlar, jumladan transmilliy jinoyatchilik, kiberjinoyat, terrorizm va ekstremizm kabi ogʻir illatlarning oldini olish va uning salbiy taʼsirlari haqida tushunchalar berildi.

Uchrashuv soʻngida yoshlarning boʻsh vaqtlarini mazmunli tashkil qilish maqsadida sportning voleybol turi boʻyicha musobaqa oʻtkazildi.

“Adolat” SDP Qoraqalpogʻiston Respublikasi Kengashi matbuot kotibi.