Jomboy tumanida Keksalar va nogironlar holidan xabar olindi

Mamlakatimizda soʻngi yillarda inson haq-huquqlarini taʼminlash va kafolatlash, yurtdoshlarimiz manfaatini himoya qilish, ijtimoiy qoʻllab- quvvatlash barcha islohotlarning tub mazmun-mohiyatiga aylandi. Аyniqsa oʻzgalar parvarishi va koʻmagiga muhtoj fuqarolarni ijtimoiy himoya qilish davlat qaramogʻiga olib moddiy-maʼnaviy koʻmaklashish, oʻksik koʻngillarga taskin berish mehr-muruvvat koʻrsatish xalqimizga xos azaliy qadriyat hisoblanadi. Xalqimizda qariyalar va nogironlar holidan xabar olish ezgu fazilatlardan hisoblanadi. Bugun partiyamizning Jomboy tuman Kengashi hamda mahalliy kengash deputatlari hamkorlikda ana shunday ezgu ishga erta tongdan bel bogʻladilar. Tumandagi ijtimoiy himoyaga muhtoj keksalar hamda nogironlar holidan xabar olinib, ulardan hol-ahvol suradilar. Ular bilan samimiy suhbat qurib, esdalik sovgʻalarini topshirdilar

Boʻlib oʻtgan suhbat jarayonida mamlakatimizda bugungi kunda keksalar va nogironlarga qaratilayotgan eʼtibor-gʻamxoʻrlik xususida soʻz yuritib, shukronalik keltirdilar. Osmonimiz musaffo, xalqimiz tinch boʻlishini soʻrab duoga qoʻl ochdilar.

Nilufar Аrabova,

“Аdolat” SDP Samarqand viloyat kengashi mutaxassisi.