Jomboy tumanidan Adolatli Qaynona aniqlandi

Boy ilmiy-madaniy merosimiz, qadimiy urf-odat hamda anʼanalarimizdan ayonki, har qanday zamon va makonda ham oila biz uchun muqaddas qadriyat sanalgan. Binobarin, tarbiyaviy, maʼnaviy-maʼrifiy, ruhiy-axloqiy, iqtisodiy-huquqiy munosabatlarga asoslangan ijtimoiy birlik hisoblanmish oila qanchalik mustahkam boʻlsa, jamiyat ham shunchalik barqaror taraqqiy etishini ajdodlarimiz juda yaxshi anglashgan.Shu bois ota-bobolarimiz oilaga juda katta eʼtibor bilan qarashgan.

Oila va jamiyat, oila va mahalla munosabatlari bilan bogʻlik boy milliy anʼanalar, milliy qadriyatlarning ildizlarini, ajdodlarimiz merosini oʻrganish va ommalashtirish, milliy oilaviy tarbiyada umuminsoniy qadriyatlarning oʻrnini yuksaltirish hamda uning oilada uygʻunlashuvini taʼminlash, yosh avlodda maʼnaviyat, madaniyat, maʼrifatni yanada yuksaltirish orqali oilada barkamol avlodni tarbiyalashning eng samarali, maqbul usullarini izlab topgan, kelinlar oʻrtasida adolatni oʻrnatgan ayol (qaynona) larning boy hayotiy tajribalarini ommalashtirish maqsadida “Adolat” Sotsial Demokratik Partiyasi tomonidan tashkillashtirilgan “Adolatli qaynona” koʻrik tanlovining Jomboy tuman bosqichi tashkillashtirildi.

Hayotda nikohning muqaddasligini yoshlarga tushuntirish, oilaviy ajrimlarning oldini olish, sogʻlom farzandlarni voyaga yetkazish xalqimizga xos milliy qadriyat xotin-qizlarni ulugʻlash, ularning jamiyat hayotidagi, sogʻlom va barkamol avlodni tarbiyalashdagi ahamiyatini eʼtirof etish, mamlakatimizda xotin-qizlarni xar tomonlama qoʻllab-quvvatlash borasida amalga oshirilayotgan islohotlarning amaliy natijalarini targʻib qilish, oilalarni mustahkamlash, boy xayotiy tajribaga ega, barkamol avlodni tarbiyalashda eng samarali usullarni qoʻllab kelayotgan, barchaga ibrat boʻlayotgan namunali qaynonalar faoliyati hayotiy misollar orqali koʻrsatib berildi. Barkamol avlod binosida tashkil etilgan Tuman bosqichida ishtirok etgan 10 nafar Adolatli qaynonalarimiz, 4 shart boʻyicha bellashishdi.

Bahs munozaralarga boy boʻlgan belashuvda “Qangʻli” mahallasida istiqomat qiluvchi Shodmonova Bahora birinchilikni qoʻlga kiritib, viloyat bosqichiga yoʻllanma oldi.

Komila Umarova,

“Adolat”SDP Jomboy tuman Kengashi raisi.