Jondorliklar jonbozlik ko'rsatmoqda...

“Adolat” SDP Jondor tuman Kengashi faollari aholi bilan uchrashuvlari qizg‘in davom etmoqda.Jondor tuman “Qaroli” MFY markazida bo‘lib o‘tgan tadbirda Xalq deputatlari Jondor tuman Kengashi deputati Sh.Niyozova, tuman Kengashi deputati B.Jabborov, Mexnat faxriysi U.Jumayev va MFY aholisi ishtirok etishdi. Muloqotlar chog‘ida tadbir tashkilotchilari yangilanayotgan Konstitusiyaning mazmun-mohiyatini aholiga imkon qadar sodda va tushunarli qilib yetkazishga e'tibor qaratmoqda.

Uchrashuvda faollar tomonidan  Bosh qomusimizda har kim mehnati uchun hech qanday kamsitishlarsiz hamda mehnatga haq to‘lashning belgilangan eng kam miqdoridan kam bo‘lmagan tarzda adolatli haq olish huquqi kafolatlanayotganligi, yoshlarning oliy ma'lumotga ega bo‘lishi imkoniyatlari kengayayotganligi xususida so‘zlab berildi. Savol-javoblarga boy bo‘lgan uchrashuvda ishtirokchilar Yangilanayotgan Konstitusiya bo‘yicha bergan barcha savollariga mutaxassislardan atroflicha javoblar olishdi.

Mohigul Rahimqulova,

"Adolat" SDP Buxoro viloyat Kengashi matbuot kotibi.