Kitob va gazeta bilan hamnafas bo'laylik

Namangan viloyatida “Adolat” sotsial-demokratik partiyasining qirq ming nafardan ziyod aʼzosi boʻlib, ular safida bir maqsad sari qadam tashlayotgan olimlar, ijodkorlar, maorif, madaniyat va sanʼat, tibbiyot, qishloq xoʻjaligi xodimlari, bun¬yodkorlar va mamlakat iqtisodining yuksalishiga munosib hissa qoʻshayotgan yosh tadbirkorlar bor, – dedi suhbat chogʻida viloyat partiya kengashining raisi Isroiljon Joʻraev.– Hammamiz uchun partiyamiz nashri boʻlmish “Adolat” ijtimoiy-siyosiy gazetasi targʻibot-tashviqot maydoni hisob¬lanadi. Unda partiya hayotiga daxldor boʻlgan muhim maʼlumot va xabarlar, voqealar, mamlakatimiz ichki va tashqi siyosatidagi yangiliklar, xalqimizning turmush tarzi, bunyodkorlik ishlari, ilm-fanda qoʻlga kiritilayotgan muvaffaqiyatlar, tarix, madaniy meros, maʼnaviyat va maʼrifat, madaniyat va sanʼat, sport va sogʻlomlashtirish sohalarida erishilayotgan yutuqlar hamda adabiy hayotga doir qiziqarli maqolalar berib boriladi. Ayni paytda kelgusi 2024 yil uchun sevimli nashrimizga obuna mavsumi bosh¬landi. Bunda partiyamizning har bir aʼzosi faol boʻladi, degan umiddaman. Chunki “Gʻaznai Namongon” sharafiga musharraf boʻlgan alloma-yu ulamolar, fozil-u fuzalolar, shoir-u shuarolar farzandlari boʻlmish namanganliklar azaldan gazetxon hisoblanishadi. “Oʻqituvchilar va murabbiylar kuni” arafasida Kosonsoy tumanidagi 29-sonli umumiy oʻrta taʼlim maktabida “Adolat” ijtimoiy-siyosiy gazetasining 2023 yil 1 sentyabr, 35-sonidagi “Taʼlim – istiqbol kaliti” va 15-sentabr, 37-sonidagi “Ertaga nima boʻladi?” sarlavhasi ostida chop etilgan jurnalist Muhiddin Omadning dolzarb mavzudagi maqolalari partiya aʼzolari va bir qator oʻqituvchilar ishtirokida keng koʻlamda oʻrganib chiqildi. Dastlab “Adolat” SDP tuman kengashi raisi Farhod Noʻmonov soʻz olib, avvalo, yurtimizda maorifni rivoj¬lantirish sohasida amalga oshirilayotgan ijobiy oʻzgarishlar, oʻqituvchilar va oʻquvchilar uchun yaratilayotgan sharoit¬lar haqida toʻxtalib, hamisha ehtiromga sazovor boʻlgan oʻqituvchi va murabbiylarni umumxalq bayrami bilan tabrikladi. Soʻngra partiya nashri hisoblanmish “Adolat” gazetasining ijtimoiy-siyosiy hayotda tutgan oʻrni va unda yoritilayotgan maqolalarning hayotga daxldorligi haqida toʻxtalib oʻtdi. Shundan soʻng soʻzga chiqqan til va adabiyot fani oʻqituvchilari Tohira Tojiboeva, Dilrabo Vahobova, Salomat Nishonova, boshlangʻich sinf oʻqituvchilari Gulnoza Parpixoʻjaeva, Dilafroʻz Sherova gazetada yoritilgan maqolalar yuzasidan fikr-mulohazalarini bildirisharkan, baʼzi yoshlarning ijtimoiy tarmoq yolgʻonlariga ergashib, xato qadam qoʻyayotganlari, maʼnaviyatimiz, qadriyatimizni unutib, gʻarb madaniyatiga ergashib ketayotganliklarini, milliyligimizdan voz kechib, ajnabiy liboslar modasini tanlayotganlarini tanqid ostiga oldilar. – Ahvol shu darajaga yetdiki, – deyildi ularning chiqishlarida, – ota-ona¬lar oʻz farzandlarini yot urf-u odatlardan qaytara olmasdan oʻqituvchiga iltimos qilishadi. Bolaning ixtiyorini yoshligidan oʻziga topshirib qoʻyish¬ning ahvoli shu-da! Natijada oʻqituvchi taʼlim berish oʻrniga koʻproq vaqtini tarbiyaga sarflamoqda.– Togʻ yonbagʻrida joylashgan maktabimizda sakkiz yuz nafarga yaqin oʻquvchi taʼlim olmoqda, – dedi oʻz vaqtida stol tennisi boʻyicha res¬publika chempioni boʻlgan direktor Abdusami Rahimboev. – Bu yilgi koʻrsatkich yomon boʻlmadi. Oʻn nafar bitiruvchilarimiz oliy oʻquv yurtlariga oʻqishga kirishdi. Albatta, yoshlarning oʻqimish¬li boʻlishida kitob va gazeta mutolaa qilishining alohida oʻrni bor. Biz asosiy urgʻuni shunga qaratmoqdamiz. Kutubxonamiz badiiy adabiyotlar bilan bir qatorda res¬publikamizda chop etilayotgan gazeta-jurnallar bilan ham toʻldirilgan. Oʻquvchilar matbuot nashrlari bilan ham tanishib bormoqdalar. – Fondimizda ikki yarim mingta kitob bor, – dedi toʻrt farzandi pedagoglikni tanlagan kutubxonachi Zulfiya Sherboeva. – Ayni paytda oʻquvchilar ham kitobga ancha qiziqib qolishdi. Chunki oliygohga kirgan aka-opalari ularga namuna boʻlishdi-da. Mana, qish¬logʻimizda oʻsib-ulgʻaygan, oliy maʼlumotli muhandis ukamiz Gʻulomjon Hamdamov tadbirkor boʻlib, maktabimizga, jumladan, kutubxonamizni jihozlashga juda katta yordam berdi. Kitobning qadriga yetadigan inson qanday boʻlishini shu yigit timsolida ham koʻrish mumkin.– Avvalo, ustozlarni bayram bilan qutlayman, – dedi “Ilhom” qurilish materiallari ishlab chiqarish xususiy korxonasi boshligʻi, xalq deputatlari tuman Kengashi deputati Gʻulomjon Hamdamov. – Siz kabi ustoz¬lar tarbiyasini olib kam boʻlmadim. Otam ham oʻqituvchi boʻlgan. U kishini ham shogirdlari hurmat qilishardi. Sizlar uchun, ilm olayotgan ukalarimiz uchun har qancha mablagʻ sarflasak oz. Ilmga sarflangan sarmoya – sarmoyangga baraka kiritadi, degan gap bor. Ziyoli kishilarimiz koʻpaysa, qish¬logʻimiz ham obod boʻlib boraveradi. Darhaqiqat, bugungi kun yoshlari uchun muammo yoʻq. Birinchi sinfdan oʻn birinchi sinfgacha zamonaviy texnologiya bilan taʼminlansa, hamma kitoblar qoʻlida boʻlsa, oliygohlar eshiklari ochiq boʻlsa, yana nima kerak? Faqat oʻqish kerak, xolos!– Nabiram Iqboljon bu yil mazkur maktabning birinchi sinfiga qabul qilindi, – dedi Aʼzamjon hoji Mama¬jonov. – Oʻzim sheʼriyat ixlosmandiman. Men yodlagan sheʼrlarni oʻyin¬qaroq nabiralarim ham atrofimda oʻralashib yurib, yodlab olishyapti. Havas qilib, bir nabiramga xalq shoiri Iqbol Mirzodan rozilik soʻrab ismini qoʻygandim. Shu nabiram kelajakda shoir boʻladi, degan umidim bor. Bolani maktabga tayyorlaydigan ota-ona, bobo va buvilar. Har bir xonadon kattalari qanday boʻlsa, bolalari shunday boʻladi. “Adolat” gazetasida jurnalist doʻstimiz Muhiddin Omad yozgan ikkita maqolani qayta-qayta oʻqib chiqdim. Qalbni uygʻotadigan maqolalar boʻlibdi. Keling, birgalashib farzandlarimizni kitob¬ga, gazeta oʻqishga qaytaraylik. Ammo kattalar oʻqimasa, yoshlar oʻqimaydi. Biz bolalarimizga kelajagimsan, orzu-umidim sendan, deymiz. Shunday ekan, orzu-umidimizga yetishish uchun bolalarimizga yaxshi tarbiya beraylik, oʻqishiga sharoit yarataylik. Koʻrib turibmiz, davlatimiz yoshlar uchun nima kerak boʻlsa – barchasini muhayyo qilib qoʻymoqda. Biz ham shunga javoban harakat qilaylik. 

Farhodjon Mamajonov,

Maʼnaviy-maʼrifiy ishlar boʻyicha direktor oʻrinbosari.