Koʻchalarga yoritish chiroqlari oʻrnatiladi

Oliy Majlis Qonunchilik palatasidagi “Adolat” SDP fraksiyasi aʼzosi Abdugʻani Umirov Nishon tumani tadbirkorlari faoliyati bilan yaqindan tanishdi. Nazokat Omonova faoliyat olib borayotgan tadbirkorlik shoxobchasi barcha qulayliklarga ega. Aholiga namunali xizmat koʻrsatib kelyapti. Biroq, tadbirkor xizmat koʻrsatish tarmoqlarini kengaytirib dorixona, bemorlarga xizmat koʻrsatadigan xususiy shifoxona ochish uchun elektr energiyasi taʼminoti masalasida muammo boʻlayotganligini deputatga bildirib oʻtdi. Abdugʻani Umirov tadbirkor Nazokat Omonovani qiynab kelayotgan muammoni tuman elektr tarmoqlari mutasaddilari bilan bogʻlanib hal etishga erishdi.

Samarqand MFY saylovchilari bilan uchrashuvda fuqarolar ishsizlikdan qiynalishayotgani, ichki yoʻllar taʼmirtalabligi va koʻchalarda yoritish chiroqlari oʻrnatilmaganligidan shikoyat qilishdi. Shuningdek, yerlarni ortiqcha shoʻr bosganligi va xonadonlar devorlarini zax yemirib borayotganligini aytishdi. Deputat saʼy-harakati bilan mahalla fuqarolarining muammolari bosqichma-bosqich bartaraf etiladigan boʻldi. Mahalla ichki koʻchalariga yoritish chiroqlari oʻrnatiladi.

Umuman, uchrashuvlarda deputat saylovchilar tomonidan bildirilgan barcha taklif va muammolarni tumandagi mutasaddilarni jalb etgan holda oʻrganib chiqdi va hal etish choralarini koʻrmoqda.

Nodir Isomov, deputat yordamchisi.