Kogon tuman aholisining siyosiy bilimlari oshirildi

Xalq deputatlari Kogon tuman Kengashiga “Adolat” SDPdan saylangan deputat Vasila Qodirova tomonidan partiyaning “Adolat” siyosiy-huquqiy oʻquvlar kuni” loyihasi doirasida tumandagi “B.Naqshband” mahalla fuqarolar yigʻinida mahalla faollari, xalq taʼlimi xodimlari va uyushmagan aholi ishtirokida siyosiy oʻquv tashkil etildi.

Tadbirdan koʻzlangan asosiy maqsad har bir fuqaroning, ayniqsa ayollarning jamiyatdagi oʻrni va rolini oshirish, ularning siyosiy jarayonlarda faolligini taʼminlash, qabul qilingan soʻnggi qaror va farmonlar mohiyati bilan yaqindan tanishtirishdan iboratdir. Shuningdek, siyosiy oʻquvda deputat V.Qodirova tomonidan yigʻilganlarga yangi qonunlar, qarorlar va farmonlarning mazmun-mohiyati, hafta davomida mamlakatimizda va dunyoda roʻy berayotgan ijtimoiy-siyosiy jarayonlar hamda muhim voqea-hodisalar haqida atroflicha maʼlumotlar berildi.

Shu bilan birgalikda siyosiy oʻquvda yigʻilganlarga jinoyatchilik va huquqbuzarliklarini oldini olish, huquqiy madaniyatni yuksaltirish orqali kuchli immunitet yaratish maqsad qilib olingani hamda ushbu tadbir ana shu jihatdan benihoya ahamiyatli ekanligi taʼkidlandi. Mamlakatimizda yaratilayotgan imkoniyatlar, shart-sharoitlar, amalga oshirilayotgan islohotlarning barchasi eng avvalo inson qadri uchun ekanligi qayd etildi.

Tashkil etilgan siyosiy oʻquv oʻzining maʼlumotlarga boyligi hamda sermazmunligi bilan ahamiyatli boʻldi. Mahallalarda yashovchi xotin-qizlar huquq va erkinliklarini bilish barobarida, mamlakatimizda inson qadri uchun amalga oshirilayotgan islohotlarga hamda davlatimiz rahbarining bugungi odilona siyosatiga yana bir karra shukur etdilar.

Siyosiy oʻquv davomida barcha ishtirokchilarning qiziqtirgan savollariga deputat tomonidan batafsil javoblar qaytarildi.

Mohigul Rahimqulova

“Adolat” SDP Buxoro viloyat Kengashi matbuot kotibi.