“Konstitutsiya baxtimiz poydevori”

Bugun Kogon shahar 11 -sonli umumiy oʻrta taʼlim maktabida “ Konstitutsiya baxtimiz poydevori” shiori ostida Referendumning ahamiyati haqida targʻibot ishlari amalga oshirildi.Tadbirda Kogon shahar Kengashi raisi M.Hamroyeva, Xalq deputatlari Kogon shahar deputati Sh. Isamutdinov va mazkur maktabning oʻqituvchilari ishtirok etishdi. Kogon shahar deputati Sh. Isamutdinov soʻzga chiqib, mamlakatimizda taʼlimga qaratilayotgan eʼtibor, bu borada Konstitutsiyaga kiritilayotgan oʻzgartirishlar, Oʻzbekiston Respublikasida oʻqituvchining mehnati jamiyat va davlatni rivojlantirish, sogʻlom, barkamol avlodni shakllantirish hamda tarbiyalash, xalqning maʼnaviy va madaniy salohiyatini saqlash hamda boyitishning asosi sifatida eʼtirof etilayotgani hamda taʼlim sohasi alohida moddalar bilan boyitilayotganligi toʻgʻrisida oʻz fikr-mulohazalarini bildirdi.

Uchrashuv soʻngida ishtirokchilar kelajaklari uchun befarq boʻlmaslikka chaqirildilar.

Mohigul Rahimqulova,

"Adolat" SDP Buxoro viloyat Kengashi matbuot kotibi.