Konstitutsiya bilimdonlari bellashdilar

Yangi Oʻzbekistoning yangi tahrirdagi Konstitutsiyasi Oʻzbekiston xalqining va davlatining ertangi porloq kelajagi uchun dasturiamaldir.Muqaddas qomusimizda oʻzini ijtimoiy davlat, deb eʼlon qilishi bilan davlatimiz har bir fuqarosiga munosib turmush kechirishi uchun shart-sharoit yaratish majburiyatini olmoqda. Bu – mavjud resurslarni ijtimoiy adolat tamoyillari asosida taqsimlash, jamiyatda kuchli tabaqalanish avj olishiga yoʻl qoʻymaslik, eng zaif qatlamlar uchun ham sifatli taʼlim va tibbiyot kafolatlanishi, samarali ijtimoiy himoya dasturlari ishlashi, imkoniyati cheklangan va koʻmakka muhtoj fuqarolarni qoʻllab-quvvatlash, adolatli mehnat qonunchiligi va jozibador pensiya tizimi kabilarni anglatadi. Oʻzbekiston fuqarolari ana shu keng huquq va burchlari mujassam konstitutsiyamizni mukammal oʻrganib olishlari hayotiy zaruriyatdir.

Shu kunlarda “Adolat” sotsial demokratik partiyasi respublika Kengashi tashabbusi bilan “Konstitutsiya bilimdoni” koʻrik –tanloviga start berildi.

Quva tumanida “Adolat” SDP tuman Kengashi, Ayollar qanoati va Yosh adolatchilar qanoti hamkorligida tumandagi kasb-hunar kollejlari va texnikumlar hamda 50 dan ziyod maktablarning yuqori sinf oʻquvchilari ishtirokchida “ Konstitutsiya bilimdoni” koʻrik tanlovining hududiy bosqichi koʻtarinki ruh va bayramona oʻtkazildi.

Tumandagi Tibbiyot texnikumida koʻrik tanlovning hududiy bosqichlaridan tuman bosqichiga yoʻllanma olgan texnikum va maktablarning yuqori sinf oʻquvchilaridan iborat olti nafar yigit- qizlar muqaddas qomusimizni mukammal darajada oʻrganganliklarini namoyish etib, faol ishtirok etdilar.

Tezkor savol javoblar, bahs- munozaralarga boy tanlovda gʻolibni tanlab olish oson kechmadi. Hakamlar hayʼati qaroriga koʻra, 1-oʻrin Gʻayratjon Qodirjonovga, 2 oʻrin Dildora Youʼldashevaga, 3 oʻrin esa Guljaxon Kenjaboevalarga nasib etdi.

Gʻoliblarga “Adolat” SDP faxriy yorliq va esdalik sovgʻalari topshirildi. Zukkolar viloyat bosqichida oʻz bilimlarini sinovdan oʻtkazadilar.

“Adolat” SDP

Fargʻona viloyat kengashi Matbuot xizmati.