“Konstitutsiya – farovon taraqqiyotimiz asosi”

Qoʻshrabot tumani “Buloq” MFYda joylashgan 71-umumtaʼlim binosida yangi tahrirdagi Konstitutsiyamizning mazmun-mohiyatiga bagʻishlangan “Konstitutsiya – farovon taraqqiyotimiz asosi” mavzusida targʻibot tadbiri boʻlib oʻtdi.

Tadbirda, Oʻzbekiston “Adolat” sotsial demokratik partiyasi Qoʻshrabot tuman Kengashi raisi Abduhamid Toʻxtarov, Xalq deputatlari tuman Kengashi deputati A.Toʻxtarov, maktab oʻqituvchilari hamda mahalla aholisi ishtirok etdi.

Targʻibot tadbiri davomida soʻz olganlar tomonidan yangilanayotgan Konstitutsiyaning mazmun mohiyati, unga inson manfaati va huquqlari borasida kiritilayotgan oʻzgarishlar hamda ushbu oʻzgarishlarning keyingi turmush darajamizdagi oʻrni xususida fikr bildirishdi hamda barchani faollikka chorladi.

“Adolat”SDP Samarqand viloyat Kengashi,

Matbuot xizmati.