Konstitutsiya targʻiboti barcha sohalarni qamrab olmoqda

Yangi tahrirdagi Oʻzbekiston Respublikasi Konstitutsiyasi targʻibotiga bagʻishlangan tadbirlar Navoiy viloyatidagi barcha korxona tashkilot va muassasalarni qamrab olmoqda. Аayniqsa, bu borada “Аdolat” SDPdan saylangan deputatlar faol ishtirok etmoqda. Xususan, Navoiy erkin iqtisodiy zonasida bojxona xodimlari, tashqi iqtisodiy faoliyat qatnashchilari ishtirokida “Konstitutsiya taraqqiyotimiz garovi” mavzusida tadbir oʻtkazildi. Unda partiyaning Navoiy viloyat Kengashi raisi, xalq deputatlari viloyat Kengashi deputati R.Hayitov hamda xalq deputatlari viloyat Kengashi deputati R.Rizaevalar ishtirok etishdi. Maʼruzachilar oʻz soʻzida bosh qonunimizda tadbirkorlarga yaratilayotgan keng imkoniyatlar Monopol faoliyat qonun bilan tartibga solinishi va cheklanishi belgilanmoqda. Bu esa tovar va xizmatlar bozorining barcha ishtirokchilari uchun teng iqtisodiy-huquqiy imkoniyatlar yaratish orqali tadbirkorlar oʻrtasida halol raqobatni rivojlantirishga hamda ishlab chiqarishga yangiliklarni tezkor joriy etish orqali samaradorlikni yuksaltirishga xizmat qilishi taʼkidlandi.

Yangi Konstitutsiyamizdagi haqiqiy inqilobiy yangiliklardan biri bu ilk marotaba yer xususiy mulk boʻlishi mumkinligi nazarda tutilmoqda. Oʻz navbatida mulkchilik munosabatlaridagi boʻshliqni toʻldiradi. Shuningdek, yangilanayotgan Konstitutsiyaning insonlar hayotida tutgan oʻrni, unga kiritilayotgan yangi moddalar va qoʻshimchalar hamda ularning ahamiyati haqida toʻxtaldilar.

Tadbir yakunida mamlakatimizni rivojlantirishning uzoq muddatli strategiyasi, xalqimiz farovon hayotining kelajakdagi mustahkam huquqiy asosi hisoblangan yangilayotgan Konstitutsiya boʻyicha referendumda faol ishtirok etishga chorladi.

“Аdolat” SDP Navoiy viloyat

Kengashi matbuot xizmati.