Konstitutsiya-xalqimizniki

Joriy yilning 30-aprelʼ kuni Bosh Qomusimiz – Oʻzbekiston Respublikasi Konstitutsiyasiga oid referendum boʻlib oʻtadi. Ushbu muhim siyosiy jarayon oldidan respublikamizning barcha hududlarida konstitutsiyaviy qonun loyihasi boʻyicha targʻibot tadbirlari oʻtkazilmoqda. Andijon tumani Gumbaz mahalla fuqarolar yigʻinida tashkil etilgan ana shunday tadbir jamoatchilikning faolligi ostida oʻtdi. Ishtirokchilar yangilanayotgan Konstitutsiyamiz chin maʼnoda xalqimizniki ekanini, uning asosi jamoatchilikning takliflari asosida ishlab chiqilganini eʼtirof etdilar. Har bir yurtdoshimiz jamiyatimizdagi oʻzgarishlarga, yurtimiz taqdiriga befarq emasligini bildirdi.

Mavluda Adhamjonova, Oliy Majlis Qonunchilik palatasi deputati:

-Ochigʻi saylovchilarning faolligini koʻrib jamiyatimizda huquqiy madaniyat anchayin oʻsganiga amin boʻldim. Qonunchiligimizdagi oʻzgartishlarga ular befarq emas. Oʻz huquqlaridan tashqari davlat boshqaruvi endi qanday tartibda boʻlishi, mahalliy kengashlar faoliyatini tashkil etilishigacha oʻrganmoqdalar. Asosiysi, barcha birdek referendumda faollik bilan qatnashishligi koʻrinib turibdi. Ha, yangi tahrirdagi Konstitutsiyaning Yangi Oʻzbekiston uchun ahamiyati, unga kiritilayotgan qoʻshimcha va oʻzgarishlar xalqimizning turmush tarzini yanada yaxshilash, inson qadrini yuksaltirishga xizmat qilishi hozirdan koʻzga tashlanyapti.

Zumradoy Soliyeva,

Oliy Majlis Qonunchilik palatasi deputati yordamchisi.