Konstitutsiyaga kiritilayotgan oʻzgarishlar mazmun-mohiyati yuzasidan targʻibot tadbiri

Ayni damda Respublikamizning barcha hududlarida 30 aprel kuni boʻlib oʻtadigan umumxalq referendumiga oid targʻibot tadbirlari boʻlib oʻtmoqda. Shunday targʻibot tadbirlari Samarqand viloyati hududlarida ham tashkillashtirilmoqda.

Urgut va Toyloq tumanida faoliyat yuritayotgan tijorat banklarining filiallari rahbar xodimlari va mutaxassislari uchun Oʻzbekiston Konstitutsiyasiga kiritilayotgan oʻzgartirishlar haqida, shuningdek, Konstitutsiyaning yangi tahrirdagi loyihasida inson qadri, uning manfaatlari, erkinliklari boʻyicha hamda fuqarolarning daxlsizligi, huquq va majburiyatlari toʻgʻrisida targʻibot tadbiri boʻlib oʻtdi.

Uchrashuv davomida Bosh Qomusimizga kiritilayotgan oʻzgartishlarning mazmun-mohiyati, taʼlim rivoji va yoshlar hayotidagi oʻrniga doir muhim jihatlar xususida maʼlumot berildi. Yangi tahrirdagi Konstitutsiyamizda jamiyatning barcha qatlamlari manfaatlari inobatga olingan boʻlib, inson huquq va erkinliklariga oid normalar oshirilmoqda. Oʻz navbatida davlatning ham xalq oldidagi majburiyati bir necha baravar ortishi koʻzda tutilgan. Chunki Konstitutsiya loyihasini ishlab chiqishda “Inson manfaati har narsadan ustun” degan maʼno asos qilib olinmoqda. Shuningdek, Konstitutsiyaning bank tizimi faoliyatiga oid 41-, 150- va 151-moddalari yuzasidan ham tushuntirishlar berildi. Tadbir soʻngida, ishtirokchilari oʻzlarining qiziqtirgan savollarga javob oldilar.

Muhiba Sayfiddinova,

Xalq deputatlari Samarqand shahar Kengashi deputati.