Konstitutsiyaning Yangi Oʻzbekiston taraqqiyotida tutadigan oʻrni

Oʻzbekiston Respublikasining yangi tahrirdagi Konstitutsiyaviy qonun loyihasining mazmun mohiyatini keng ommaga yetkazish maqsadida, seminarlar butun yurtimiz boʻylab oʻtkazilmoqda.

Xususan, Samarqand viloyatida ham bu borada qator uchrashuvlar va muloqotlar tashkil yetilmoqda. Samarqand Davlat Universiteti faollar zalida, Oʻzbekiston “Adolat” SDP Samarqand viloyati Kengashi raisi, Xalq deputatlari Samarqand shahar Kengashi deputati Muhiba Bababekova tashabbusi bilan Konstitutsiyaviy qonun loyihasining mazmun mohiyati boʻyicha yigʻilish tashkil etildi. Yigʻilishda shuningdek Oliy Majlis Qonunchilik palatasi Deputati Yelena Aleksandrova, mahalla faollari hamda tashkilotlar rahbarlari ishtirok etishdi.

Maʼruzachilar yigʻilganlarga yangilanayotgan Konstitutsiyamizda oʻzgartirilgan qonunlar va ularning normalari haqida batafsil maʼlumotlar berishdi.

Shundan keyin Konstitutsiyaning Yangi Oʻzbekiston taraqqiyotida tutadigan oʻrni, mamlakatimizda inson qadrini ulugʻlash boʻyicha olib borilayotgan amaliy ishlar yuzasidan keng fikr-mulohazalar almashildi.

“Adolat” SDP Samarqand viloyat Kengashi,

Matbuot xizmati.