Konstitutsiyaviy islohotlar – inson shaʼni va qadr-qimmati uchun

Joriy yilning 11-aprel kuni Buxoro shahridagi “Ishga marhamat” monomarkazining majlislar zalida “Konstitutsiyaviy islohotlar – inson shaʼni va qadr-qimmati uchun” mavzusida davra suhbat bo’lib o’tdi.  Unda Oʻzbekiston “Adolat” SDP Buxoro viloyat  Kengashi raisi Maqsud Hamidov, partiyaning shahar va tuman kengashlari raislari, xalq deputatlari mahalliy kengashlarining deputatlari, “Yosh adolatchilar” va  “Ayollar” qanotlari raislari, keng jamoatchilik faollari va ommaviy axborot vositalari vakillari ishtirok etishdi.

Tadbirni “Adolat” SDP Buxoro viloyat kengashi raisi Maqsud Hamidov kirish soʻzi bilan ochib, bugun mamlakatimizda ro’y berayotgan muhim siyosiy jarayon, umumxalq referendum va uni o’tkazish bilan bog’liq tadbirlar, yangi tahrirdagi O’zbekiston Respublikasi Konstitutsiyasi Qonun loyihasi targ’iboti, unda inson qadr-qimmatining eng asosiy masala etib belgilangani, Bosh Qomusimizga kiritilayotgan o’zgartirishlar va ularning muhim jihatlari xususida batafsil so’z yuritdi.

Davra suhbatida Oliy Majlis Qonunchilik Palatasi deputati Tavakkal Choriyev ham ishtirok etib,- Konstitutsiyaviy qonun loyihasi yuzasidan bugunga qadar 220 mingdan ortiq takliflar kelib tushgan bo’li,  ularning 60 foizdan ortig‘i bevosita yoshlar tomonidan berilgan. Shuning uchun ham Yangilanayotgan Konstitutsiyada yoshlarga oid qator normalar, hatto bitta alohida bob “Oila, bolalar va yoshlar” masalasiga bag‘ishlanligini, yangilanayotgan Konstitutsiyaning huquqiy-demokratik jamiyatni barpo etishdagi ahamiyati, xususan, Qomusimizning 42-moddasi 3-qismida “Homiladorligi yoki bolasi borligi sababli ayollarni ishga qabul qilishni rad etish, ishdan bo‘shatish va ularning ish haqini kamaytirish taqiqlanadi” bu qoida homilador yoki yosh bolalari bor bo‘lgan ayol xodimlarning huquqlarini eng yuqori nuqtada ham himoya qila olishi haqida tushuntirishlar berib o’tdi.

Shuningdek, Respublika Ma’naviyat va marifat Markazi Buxoro viloyat bo’limi rahbari, partiyaning viloyat Kengashi deputati Marhabo Pardayeva, Tibbiyot fanlari nomzodi,“Ayollar qanoti” raisi Shahnoza Po’latova hamda Oliy Majlis senati huzuridagi “Yoshlar parlamenti” a’zosi, Xalq deputatlar Kogon tuman kengashi deputati, “Yosh adolatchilar” qanoti raisi Shehroz Norovlar ham so’zga chiqib, o’z ma’ruzalarida yoshlar bilan bog‘liq alohida bob kiritilayotganini, kelajagimiz egalarining ta’lim olishi, ijtimoiy va tibbiy himoyasi, uy-joyli bo‘lishi, bandligi uchun shart-sharoitlar yaratish konstitutsiyaviy majburiyat sifatida belgilanganini alohida ta’kidlab o’tishdi.

So’zga chiqqanlar tomonidan ishtirokchilarga o’z kelajagiga befarq bo’lmasdan,  30-aprelda bo’lib o’tadigan umumxalq referendum faol ishtirok etishlari aytib o’tildi.