“Konstitutsiyaviy islohotlar — inson shaʼni va qadr-qimmati uchun”

Samarqand Davlat Chet tillari Institutida, ochiq osmon ostida “Konstitutsiyaviy islohotlar — inson shaʼni va qadr-qimmati uchun” Mavzusida targʻibot tadbiri tashkil etildi.Tadbir “Adolat” sotsial demokratik partiyasi Samarqand viloyat Kengashi raisi Muhiba Bababekova hamda Samarqand Chet tillari instituti rahbariyati tomonidan tashkillashtirildi. Tadbir davomida Oʻzbekiston “Adolat” sotsial demokratik partiyasi markaziy Kengashi raisi Bahrom Abduhalimov, Oliy Majlis Qonunchilik Palatasi deputatlari Muzaffara Abdiyeva va Yelena Aleksandrova, Nuroniylar jamgʻarmasi faollari, Samarqand viloyat, shahar, tuman deputatlari hamda partiyamizning tuman raislari mehmon sifatida ishtirok etishgan boʻlsa!Oʻzbekiston yoshlar parlamenti Samarqand viloyati aʼzolari, partiya yoshlar va ayollar qanotlari raislari hamda Samarqand yoshlari faol tashabbus bilan bugungi tadbirni ochib berishdi.

Koʻtarinki kayfiyatda oʻtayotgan tadbirda Oʻzbekiston “Adolat” sotsial demokratik partiyasi Markaziy kengashi raisi Bahrom Abduhalimov soʻzga chiqib, bugungi kundagi Yangilanayotgan Konstitutsiyamizdagi oʻzgarish va qoʻshimchalar yuzasidan toʻxtalib oʻtgan boʻlsalar, Oliy Majlis qonunchilik Palatasi deputati Muzaffara Abdiyeva ham bugungi kunda taʼlim, tibbiyot hamda xotin-qizlarga bagʻishlangan qonun va ularning normalari haqida batafsil tushuntirib, gapirib oʻtdilar.Yoshlarga bugun yaratilgan imkoniyatlar toʻgʻrisida, barcha yigʻilganlarga juda katta ishtiyoq va zavq bilan Oʻzbekiston yoshlar parlamenti Samarqand viloyatidagi aʼzolari Dilnur Aʼzamov va Muxlisa Jalilovalar oʻz fikr va mulohazalarini bayon etib berishdi.

Kuy va qoʻshiqlar bilan davom etgan tadbir, soʻngida barcha yigʻilganlar oʻz taqdiriga va kelajagiga befarq emasligini oʻzlarining raqslari va koʻtarinki kayfiyatlari bilan ifodalagan holda namoyon etishdi va barcha yigʻilganlarni 30-aprel kuni boʻlib oʻtadigan Referendumga faol ishtirok etishga chaqirildi.

“Adolat”SDP Samarqand viloyat Kengashi,

Matbuot xizmati.