Konstitutsiyaviy islohotlar targʻiboti

Maʼlumki, mamlakatimizda joriy yilning 30-aprelda boʻlib oʻtadigan referendumga ham sanoqli kunlar qoldi.

Shu bois “Adolat” SDP deputatlari va faollari yangilanayotgan Konstitutsiyaning mazmun va mohiyati targʻibotiga bagʻishlangan tadbirlarga alohida eʼtibor qaratmoqda.

Bugun Oliy Majlis Qonunchilik palatasi deputati Inna Korjikova va xalq deputatlari viloyat Kengashi deputati Rustam Hayitovlar ishtirokida Navoiy viloyat Markaziy Bank boshqarmasida “Konstitutsiyaviy islohotlar davr talabi” mavzusida davra suhbati boʻlib oʻtdi.

Tadbirda “Mikrokreditbank” ATB, “Turonbank” ATB hamda “Qishloq qurulishbank” ATB viloyat filiallaridagi xodimlar qatnashdi.

Unda taʼkidlanganidek, soʻnggi olti yilda erishgan yutuqlarimizni, xususan, iqtisodiyot, inson huquqlari, odil sudlov, soʻz va eʼtiqod erkinligi, ijtimoiy himoya sohalaridagi yuzlab cheklovlarning olib tashlangani, naqd pul, valyuta, kredit masalalaridagi muammolar hal qilingani, qoʻshnilarimiz bilan oramizdagi 25 yillik “muzlar erigani” va boshqa ijobiy harakatlar ortga qaytmasligining konstitutsiyaviy himoyasini taʼminlash hayotiy zaruratga aylandi.

– Mamlakatimiz aholisi 2040-yilga borib 50 millionga yetadi, jamiyatning yarmidan koʻpini yoshlar tashkil qiladi. Ularga munosib hayot sharoiti yaratish uchun esa barqaror iqtisodiyot, xavfsiz davlat, samarali boshqaruv, ijtimoiy kafolatlar boʻlishi lozim, – deydi deputat I.Korjikova. – Bular va boshqa koʻpdan-koʻp muammolar yechimi mustahkam huquqiy poydevorni – Oʻzbekistonning yangilanayotgan Konstitutsiyasini taqozo etadi.

Deputat R.Xayitov barcha mulk shakllarining teng huquqliligi va huquqiy jihatdan himoya qilinishi taʼminlanishi qatʼiy belgilanmoqda. Bu fuqarolar farovonligini oshirishga yoʻnaltirilgan Oʻzbekiston iqtisodiyotining rivojlanishi, mulkdorlar qatlamini kengayishiga xizmat qiladi.

Eng muhim oʻzgarishlardan biri ilk marotaba yer xususiy mulk boʻlishi mumkinligi nazarda tutilmoqda. Ushbu norma yangi Konstitutsiyamizdagi haqiqiy inqilobiy yangiliklardan biri sifatida mulkchilik munosabatlaridagi boʻshliqni toʻldirdi.

Respublikamiz hududida iqtisodiy makon birligi, tovarlar, xizmatlar, mehnat resurslari va moliyaviy mablagʻlarning erkin harakatlanishi kafolatlanishi mustahkamlanmoqda. Bu hol tovarlar va xizmatlarning erkin harakatlanishi va realizatsiya qilinishini noqonuniy cheklashni oldini olishga va mehnat resurslarining erkin harakatiga zamin yaratadi.

Qizgʻin savol-javoblarga boy oʻtgan tadbirda ishtirokchilar oʻzlarini qiziqtirgan savollarga atroflicha javoblar olishdi.

“Adolat” SDP Navoiy viloyat
Kengashi matbuot xizmati