Kredit bilan bogʻliq muammo yechimini topdi

Gʻuzor tumanidagi “Doʻltali” MFY da istiqomat qiluvchi Oʻroq Sheraliyev kredit masalasida Oliy Majlis Qonunchilik palatasiga murojaat qildi. Ushbu murojaat asosida oʻrganishlar olib borgan Oliy Majlis Qonunchilik palatasi deputati, “Adolat” SDP fraksiyasi aʼzosi Dilshod Hamzayev tumandagi Agrobank boshligʻi oʻrinbosari U. Gʻofurov bilan uchrashdi. Fuqaro murojaati har tomonlama tekshirilib, kredit muammosi bartaraf etildi.

Shuningdek, deputat tumandagi 30-DMTT, 40-oilaviy poliklinika hamda tuman elektr tarmoqlari va gaz taʼminotida ham boʻlib fuqarolar oʻrtasida Prezidentimizning Oliy Majlisga yoʻllagan Murojaatnomasi, uning mazmun-mohiyati, Konstitutsiyaga kiritilayotgan oʻzgartirishlar hamda Mehnat kodeksi moddalari haqida keng tushuntirishlar olib bordi.

“Mehnatobod” MFY aholisi xonadonlarida boʻlgan oʻrganishlarda Farid Eshdavlatovning amalga oshirayotgan xayrli ishlari deputatning eʼtiborini tortdi. Farid aka baliqchilikni yoʻlga qoʻygan. Bundan tashqari ishbilarmon tadbirkor “penablok”  ishlab chiqarishni va avtomobillarga texnik xizmat koʻrsatish shahobchasini ham ishga tushirgan. Yaqindan boshlab qahramonimiz granula tayyorlashni ham boshlab yubordi. Tadbirkor Farid Eshdavlatov deputatga boshqa bir qator yangi loyihalari va oʻzi yaratgan ixtirolarini ham namoyish qildi.

Muxtasar qilib aytganda, deputatning uchrashuvlari aholi uchun har tomonlama foydali boʻldi.

Oʻzbekiston “Adolat” SDP

Qashqadaryo viloyat kengashi Matbuot xizmati.