Kun tartibida – maktablardagi holat

Bugun qaysi bir davraga kirmang suhbat mavzusi havoning sovib ketganiga borib qadaladi. Ijtimoiy tarmoqlarda taʼlim muassasalarida oʻqish masalasi asosiy oʻrin olgan. Har kim oʻz fikrini bildirmoqda. Masala chindan ham dolzarb.

Yuqoridagilardan kelib chiqib, xalq deputatlari Izboskan tuman kengashi deputatlari ham maktablarga yoʻl oldi. Ular tomonidan jamoatchilik nazorati tartibida maktablardagi holat oʻrganilmoqda.

Partiyamizdan saylangan tuman kengashi deputati Dilfuza Ahmedova ham oʻz saylov hududidagi 1-sonli umumtaʼlim maktabida boʻldi. Maktab direktori A.Oʻrmonov bilan xonalarning isitilishi oʻrganildi. Boshlangʻich sinflar oʻqiydigan binoning kirish zali yaxshi isitilgan. Biroq sinf xonalaridagi isitish vositalarining havosi chiqarilmaganligi uchun anchayin sovuq. Bu holda oʻquvchilar qanday oʻqishi mumkin?

Deputat nazorati ishni oʻngladi. Masʼullar shu kunning oʻzida ishga kirishdi. Qozonxonadagi issiqlik belgilangan tartibda. Maktab jamoasi oʻquvchilar uchun koʻngildagidek sharoit yaratish harakatida.

Deputat oʻz yurishini mahallada davom ettirmoqda. Ota-onalar bilan suhbatlarda xavotirga oʻrin yoʻqligi tushuntirilmoqda.

“Adolat” SDP Andijon viloyat kengashi

Matbuot xizmati.