Kuzatuvchi instituti masʼuliyatli

Shu yilning 30-aprel kuni oʻtkaziladigan “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy qonuni loyihasi boʻyicha Oʻzbekiston Respublikasi referendumi xalqimizning demokratik islohotlar yoʻlidagi yana bir muhim qadami demakdir. Jamoatchilik bu jarayonda faol ishtirok etishligi bugun joylarda oʻtkazilayotgan suhbatlarda oʻz ifodasini topmoqda. Paxtaobod tumanida “Adolat” SDP Andijon viloyat kengashi tashabbusi bilan referendum kuni saylov uchastkalarida ish olib boradigan kuzatuvchilar bilan oʻtkazilgan siyosiy oʻquv ham ishtirokchilarning faolligi ostida oʻtdi.

Amaldagi qonunchilikda kuzatuvchilarning vakolatlari koʻrsatib oʻtilgan. Jarayonni qanchalik shaffof oʻtishida ularning roli katta. Shu sabab bu borada kuzatuvchilarning bilimlari oshirildi. Saylov qonunchiligi, Konstitutsiyaviy qonun loyihasiga kiritilayotgan oʻzgartishlar yuzasidan fikr almashildi.

“Adolat” SDP Andijon viloyat Kengashi
Matbuot xizmati.