Maktablardagi muammoli holatlar oʻrganildi

Ayni kunlarda kuzatilayotgan anomal sovuq natijasida maktablarning aksariyatida hali taʼtillar davom etmoqda. Qanchadan-qancha bolajonlar maktab boshlanishini orziqib kutishadi. Qadrdon doʻstlari, issiq sinfxonasi bagʻriga oshiqadi. Issiq sinfxonalar?! Darvoqe, ushbu masala koʻpgina maktablarda muammo ekanligi sir emas. Ayniqsa, bugungi ob-havo sharoitida issiqlik quvurlari yorilib yoki turli nosozliklar kelib chiqishi natijasida maktablarning bino-inshootlariga jiddiy zarar yetishi mumkin.

Shu kabi muammolarni nazarda tutib, Xalq deputatlari Shayxontohur tuman kengashi deputati Islomova Dildora Shavkatovna ishchi guruhi bilan birgalikda tumandagi maktablar holatini tubdan koʻzdan kechirdi.

Jumladan, tumandagi 192-umumtaʼlim maktabidagi holatni oʻrganish jarayonida aniqlangan kamchiliklar yuzasidan deputatlik nazorati oʻrnatilib, bu boʻyicha tegishli mutasaddilarga deputatlik soʻrovi chiqarilishi belgilandi.

Mehriniso YAKUBOVA,
“Adolat” SDP Toshkent shahar kengashi
Matbuot kotibi