Malakali yuridik yordam koʻrsatish sifati va imkoniyatlari oshadi

Maʼlumki, inson huquqlarini taʼminlash va uni munosib himoya qilishda advokatura institutining oʻrni va roli beqiyos. Shu bois, advokatlarning maqomini yanada koʻtarish, ularni ijtimoiy himoya qilish, aholiga yuridik xizmat koʻrsatish mexanizmlarini takomillashtirish, har bir advokat malakali huquqiy xizmat koʻrsatishi uchun zarur shart-sharoitlarni yaratish boyicha muhim tashabbuslarni Oʻzbekiston “Adolat” SDP oʻz dasturiy vazifalarida ilgari surgan edi. Nasib, shu kunlar ham keldi.

Yurtboshimizning tashabbuslari bilan “Yangi Oʻzbekiston” kuchli ijtimoiy himoyaga asoslangan fuqarolik jamiyatini barpo etish borasidagi muhim islohotlarni amalga oshirdi. Ushbu islohotlar zamirida inson shaʼni va qadr-qimmatini oʻzida aks etgan, xalqimizning taklif va istaklari asosida yaratilgan yangilanayotgan Konstitutsiyaviy qonun loyihasining umumxalq referendum qoʻyilishi ham barchamiz uchun tarixiy voqea. Yangilanayotgan Konstitutsiyaviy qonun loyihasining XXIV bobining 141-moddasi va 142-moddalari jismoniy va yuridik shaxslarga malakali yuridik yordam koʻrsatish uchun advokatura faoliyatni takomillashtirishga, Advokatura faoliyatini qonuniylik, mustaqillik va oʻzini oʻzi boshqarish prinsiplariga asoslangan.

Endilikda bosh qomusimizda “Advokat oʻz kasbiy vazifalarini amalga oshirayotganda uning faoliyatiga aralashishga yoʻl qoʻyilmaydi” degan jumlaning oʻzi nafaqat, chinakam adolatli ish tizimining yoʻlga qoʻyilishini balqi, fuqarolarning huquq va qonuniy manfaatlarini taʼminlashda Konstitutsiya huquqiy asosi ekanligini koʻrsatadi. Bugungi Konstitutsiyaviy islohotlarning zarurati va mohiyati anglab, oʻzgarish va yangilanishlarga befarq boʻlmagan holda, yurtdoshlarimizning Davlat va jamiyat taraqqiyotiga daxldorlik hissi bilan yondashuvi alohida eʼtirofga loyiqdir. Ishonamizki, yangilanayotgan Konstitutsiya koʻp millatli xalqimizning birdamligiga etaklab, imkoniyatlar eshigini ochadi.

Nurlibay Qaipbergenov,

O'zbekiston “Adolat” SDP

Qoraqalpog'iston Respublikasi

Kengashi raisi