Mansabdor shaxs eshituvi: Ekizootik osoyishtalikni taʼminlash muhim masala

“Аdolat” SDP Fargʻona viloyat Kengashida viloyat va shahar Kengashi rahbarlari, Xalq deputatlari shahar Kengashi deputatlari ishtirokida “Davlat va jamiyat nazorati uygʻunligi – qonun ustuvorligining garovi” loyihasi doirasida Fargʻona shahar veterinariya va chorvachilikni rivojlantirish boʻlimi faoliyati tahliliga bagʻishlangan mansabdor shaxs eshituvi oʻtkazildi. Eshituv oziq-ovqat xavfsizligini taʼminlashga qaratilgan tadbirlarni amalga oshirish boʻyicha chorva mollarning naslini yaxshilash, ozuqa bazasini mustahkamlash, naslchilik yoʻnalishidagi chorvachilik xoʻjaliklari faoliyatini hamda chorvachilik mahsulotlarini yetishtirishda tadbirkorlik hamda yakka tartibdagi subyektlarni koʻpaytirishni davlat tomonidan qoʻllab-quvvatlash boʻyicha amalga oshirilgan ishlar doirasida qishloq xoʻjaligi hayvonlari orasidagi epizootik osoyishtalikni taʼminlash masalalari yuzasidan boʻlib oʻtdi.

Shuningdek, mazkur mazmundagi mansabdor shaxs eshituvi partiyaning Toshloq tuman Kengashi tomonidan ham oʻtkazildi.

“Аdolat” SDP Fargʻona viloyat Kengashi
Matbuot xizmati.