Maqsad — aholini sifatli va arzon dori darmonlar bilan taʼminlash

“Adolat” SDP Markaziy apparati topshirigʻiga binoan, sentyabr – dekabr oylarida aholini sifatli va arzon dori-darmon bilan taʼminlash, farmatsevtika mahsulotlari ishlab chiqarishni qoʻllab-quvvatlash va eksport hajmini kengaytirish maqsadida Xorazm viloyat, Shovot, Gurlan tuman Kengashlari faollari, deputatlari hamda viloyat Qishloq xoʻjalik boshqarmasi vakillaridan tarkib topgan ishchi guruh tomonidan qayd etilgan tumanlarda oʻrganish ishlari olib borildi.

Oʻrganish ishlari Shovot tumanidagi “Jumaniyozov Shuxrat” MCHJ ning faoliyatini oʻrganishdan boshlandi. Unda dorivor oʻsimliklardan hisoblangan “Qizilmiya” oʻsimligining ildizini toʻplash va toʻplangan dorivor oʻsimlik ildizlarini eksportga tayyorlash jarayoni izchillik bilan olib borilayotgani kuzatildi.

Shundan soʻng, ishchi guruh Gurlan tumanidagi “FIT TIP PHARM” MCHJ faoliyatini oʻrganish bilan davom etdi. MCHJda steliya, sedana, rastoropsha, va boshqa dorivor oʻsimliklar oʻstirilib, joyning oʻzida qadoqlanib, qonunchilik doirasida dorixonalarga topshirilmoqda.

“FIT TIP PHARM” MCHJ rahbari bilan suhbatlashilganda, shifobaxsh oʻsimliklardan hisoblangan aloe oʻsimligini yetishtirish masalasida katta tajribaga ega boʻlgan mutaxassislar bilan tajriba almashish niyati borligini aytib, ishchi guruh tomonidan ushbu masalada amaliy yordam berishini soʻrab murojaat etdi. Murojaat ishchi guruh tomonidan eʼtiborga olindi.

Bir soʻz bilan aytganda, mamlakatimizda shifobaxsh, dorivor oʻsimliklar turini koʻpaytirish xalqimizni sifatli va arzon dori-darmonlar bilan taʼminlanishida ahamiyatlidir.

                                                                                                  Javlonbek Jumaboev,

“Adolat” SDP Xorazm viloyat Kengashi rais oʻrinbosari