“Men beg’araz donorman”

Sirdaryo viloyati qon quyish stansiyasi sayyor guruhi mobil donorlik kompleksida Oʻzbekiston Respublikasi Prezidentining 2022-yil 9-avgustdagi “Respublika qon bilan ishlash xizmati muassasalari faoliyatini yanada takomillashtirish va aholi orasida begʻaraz donorlik harakatini rivojlantirish choralari toʻgʻrisida”gi tegishli qarorlari ijrosi yuzasidan joriy yilning 23-avgust kuni “Adolat” SDP Sayxunobod tuman Kengashi aʼzolari, tuman tibbiyot birlashmasi bilan hamkorlikda “MEN BEGʻARAZ DONORMAN” shiori ostida aksiya tashkil qilindi.  

Ushbu aksiyada Sayxunobod tumani tibbiyot birlashmasi xodimlari ixtiyoriy ravishda faol ishtirok etishdi. Sogʻliqni saqlash vazirligi tomonidan hududlarga taqdim etilgan “ISUZU HC40” rusumli avtotransport vositalari negizida tayyorlangan ushbu koʻchma donorlik majmualari esa bu borada ayni muddao boʻldi. Aytish kerak, mazkur avtobuslar maxsus karavot, muzlatkich, gemokonteyner, havoni tozalashga moʻljallangan bakteriyaga qarshi lampalar, konditsioner hamda yoritkichlar bilan jihozlangan. Unda bir vaqtning oʻzida 3 nafar donordan qon olish mumkin.

Mobil donorlik kompleksi yurtimizda sayyor donorlikni rivojlantirish, hududlarda sifatli qon komponentlarini yigʻish ishlarini samarali tashkil etishga xizmat qilmoqda.

Tibbiyot nuqtai nazaridan qon berishning organizmga foydali jihatlari ,qon topshirish, qon aylanishini yaxshilashi tibbiyot xodimlari tomonidan isbotlangan. Aksiyada 18 yoshdan-60 yoshgacha sogʻlom fuqarolar qatnashishdi.

Donorlar uchun davlatimiz tomonidan huquq, imtiyoz va kafolatlar berilmoqda. Qon va uning tarkibiy qismlarini muntazam ravishda hamda bepul topshiruvchi donor “Oʻzbekiston Respublikasi faxriy donori” koʻkrak nishoni bilan taqdirlanadi va BHMning 5 baravari miqdorida bir yoʻla beriladigan pul mukofoti oladi.

“Adolat”SDP Sirdaryo viloyat Kengashi Matbuot xizmati.